Post News Media ព័ត៌មានសិល្បៈ និងកម្សាន្ត សេង សូណា ក្តា...

សេង សូណា ក្តាប់បានតំណែងសិចស៊ី របស់ផលិតករបារាំង​

តារា​ដែលជាប់ឈ្មោះសិចស៊ី កញ្ញា សេង សូណា ក្តាប់បានតំណែងសិចស៊ី មួយទៀតហើយ របស់ផលិតករ​បារាំង ដែលតម្រូវ​ឲ្យនាង​ដើរ​តួ​ជា​នារីសិចស៊ីក្នុងភាពយន្ត​បែបអន្តរជាតិមួយនេះ​។​
នេះមិនមែនជាលើកទី​១នោះទេ ដែលសេង សូណា ទទួលបានតំណែង​ជា​តារាសិចស៊ីក្នុងភាពយន្ត ដោយតំណែងសិចស៊ីនេះ នាងបានទទួលម្តង​រួចទៅហើយ ក្នុងខ្សែភាពយន្ត «ហនុមាន» ។​

ថ្លែងប្រាប់ Post News នៅព្រឹកថ្ងៃទី​២៨ ខែធ្នូ ឆ្នាំ​២០១៦ ស្រីស្រស់ សេង សូណា បានបញ្ជាក់ឲ្យដឹងថា នាង​ទើបតែទទួលបានការថតខ្សែភាពយន្ត ថ្មីមួយទៀត របស់ផលិតករ​បារាំង ដែលជា​ខ្សែភាពយន្ត បែបអន្តរជាតិ ។​
តួស្រីលេងដើមទ្រូងរូបនេះ បានបន្តថា សម្រាប់តំណែងរបស់នាង​ក្នុងខ្សែភាពយន្ត គឺដើរតួជាមនុស្សស្រីសិចស៊ី ដោយមានសង្សារ នៅក្រៅប្រទេស ហើយសង្សារ​ទៀតសោត ជា​មនុស្សអៀនច្រើន ។ ទោះជាយ៉ាងណា សេង សូណា ថា តំណែង​របស់នាងក្នុងខ្សែភាពយន្តនេះ មិនដល់ថ្នាក់​ស៊ីជម្រៅ ដោះខោ​ ដោះ​អាវ​អាក្រាត​នោះទេ ត្រឹមតែស្លៀកពាក់សិចស៊ី។​

សម្រាប់ខ្សែភាពយន្តនេះមានចំណងជើងអ្វីនោះ សេង សូណា សូមលាក់សិន ដោយមិនបញ្ចេញនោះទេ ខ្លាចខុសគោការណ៍ របស់ក្រុមការងារ​ផលិតករ របស់បារាំង​៕​