ស្របពេលដែលទីផ្សារសិល្បៈតែងនិពន្ធស្នាដៃបទថ្មី កំពុងកក្រើកឡើងក្នុងពិភពឧស្សាហកម្មកម្សាន្តរបស់កម្ពុជានោះ តារាចម្រៀង លីនឌី ស្ថិតក្នុងក្រុម I Like Original Song បានត្រៀមបំបុក វាយលុកទីផ្សារចម្រៀងយ៉ាងខ្លាំង ខណៈដែលចេញបទថ្មី មួយបទ ក្រោមចំណងជើងថា «មនុស្សមានបញ្ហា ឲ្យធ្វើធម្មតាម្តេចទៅ? » ។
លីនឌី បានលើកឡើងថាសម្រាប់នាង និងក្រុមកំពុងត្រៀមជាបណ្តើរៗទៀត ជាមួយនឹងបទស្នាដៃនិពន្ធថ្មី ស្របពេលដែលបទ «មនុស្សមានបញ្ហា ឲ្យធ្វើធម្មតាម្តេចទៅ? » កំពុងទទួលបានជោគជ័យ និងមានដៃគូសហការឧបត្ថម្ភ លើកទឹកចិត្ត ជាដើមទុនក្នុងការបន្ត ក្នុងការផលិតបទចម្រៀង ប្រកួតប្រជែងលើទីផ្សារ និងលើកកម្ពស់វិស័យសិល្បៈក្នុងស្រុក ។
លីនឌី ថាបើទោះបីជានាងមានការងារជាអ្នកបកប្រែភាសាអង់គ្លេស និងត្រៀមខ្លួនក្លាយជាឌីជេក្នុងស្ថានីយ៍វិទ្យុមួយក្នុងកម្មវិធីអង់គ្លេស តែនាងនៅតែមិនបោះបង់ចោលសិល្បៈ និងការផលិតចម្រៀង ស្នាដៃបទថ្មីជាមួយក្រុមខាងលើនោះទេ។
តារាស្រីដែលមានវ័យ ២២ឆ្នាំ រូបនេះ បានបន្តទៀតថា នាងពិតជាសប្បាយចិត្តណាស់ ដែលឃើញបទខ្លួន ចេញភ្លាម ផ្ទុះលើបណ្តាញសង្គម ហើយក៏ជាបទដំបូង ក្រោយខ្លួនចូលប្រឡូក ក្នុងពិភពសិល្បៈរយៈពេល ២ឆ្នាំមកនេះ ៕
ស្តាប់បទចម្រៀងដូចខាងក្រោមនេះ៖
មតិយោបល់