ដូចដែលយើងបានដឹងស្រាប់ហើយថា ប៉ុន្មានខែកន្លងមកនេះ មានករណី​មួយផ្អើលពេញប្រទេស ករណីកូនដុកទ័រម្នាក់ស្រវឹងស្រា រួច​បានបង្កជម្លោះលើមន្ត្រីកង​រាជ​អាវុធ​ហត្ថ​​ម្នាក់​ តែរឿងនេះបានស្ងប់សព្វគ្រប់។​

មុននឹង​ចប់ មានរឿង​រ៉ាវជាច្រើនថា ដុកទ័រ បានព្យាយាម​លោតទឹកសម្លាប់ខ្លួន និង យកដាវ​គំរាមផ្តាច់ជីវិត ធ្វើយ៉ាងណា​ឲ្យ​សមត្ថកិច្ច​ និងថ្នាក់ដឹកនាំ ដោះលែងកូនរបស់លោក ។​

ដោយឡែកសម្រាប់រឿង​យប់មិញនេះដែរ អតីតតារាសម្តែង ថៃ នរ:ពិទូ ពាក់ព័ន្ធនឹងថ្នាំញៀន ត្រូវបាន អ្នកស្រី ងិន ម៉ានីយ៉ា អតីតភរិយារបស់លោក ថៃ នរ:សត្យា ត្រូវ​ជាម្តាយ​ បានបញ្ចេញសារថា «ពេលខ្លះ ចង់ស្លាប់តែម្ដង ឲ្យវាផុតទុក្ខ» ។​
ទន្ទឹមជាមួយការបញ្ចេញសារនេះដែរ ត្រូវបានគេ​ចោទថា អ្នកស្រី​ បានយកស្តាយ៍តាម លោក ដុកទ័រ ដែលកូនប្រុស​បង្កជម្លោះ ដល់មន្ត្រីអាវុធហត្ថ​។​

អ្នកស្រី ងិន ម៉ានីយ៉ា បានសរសេរលើហ្វេសប៊ុកខ្លួន នៅមុននេះបន្តិចថា «ឱ!អស់លោកអ្នកមានបបេរអើយ…ត្រង់ណាដែលថាខ្ញុំ យក style លោក Doctor នោះ ??? សូមបើកចិត្ត ពិចារណាផងទៅ …!!!» ៕​