ហាងកាហ្វេនិស្សិត ដែលជាហាងកាហ្វេបណ្តែតទឹក ដែលនឹងមានវត្តមាននៅលើស្រះទឹក ខាងក្រោយបណ្ណាល័យសម្តេចតេជោ ហ៊ុន សែន នៃសាកលវិទ្យាល័យភូមិន្ទភ្នំពេញ។ នេះបើយោងតាមការឲ្យដឹងពីគេហទំព័រហ្វេសប៊ុករបស់លោក Khoun Thavouth នាយកនៃមជ្ឈមណ្ឌលសហប្រតិបត្តិការកម្ពុជា-កូរ៉េ CKCC។

ហាងកាហ្វេនេះ នឹងដំណើរការដោយក្រុមនិស្សិត BANG ដែលផ្តល់ទីតាំងដល់អ្នកសិក្សា ផ្តល់ការងារជូននិស្សិត គាំទ្រសកម្មភាពនានារបស់និស្សិត និងថែទាំបរិស្ថានជុំវិញស្រះទឹក។

គួរបញ្ជាក់ថា គម្រោងនេះ នឹងចាប់ផ្តើមសាងសង់ក្នុងឆ្នាំ ២០១៧នេះតែម្តង៕