តារាៗក្នុងពិភពហូលីវ៉ូត បានបញ្ចេញនូវ​ប្រតិកម្ម ឬទស្សនៈ ផ្សេងគ្នា ក្នុងពេលស្បថឡើងកាន់តំណែង​របស់ ប្រធានាធិបតី អាម៉េរិកថ្មី លោក ដូណាស់ ត្រាំ​ កាលពីថ្ងៃទី​២០ ខែមករា ឆ្នាំ​២០១៧​។​
លោក ដូណាល់ត្រាំ បានក្លាយជា​ប្រធានា​ធិបតី អាម៉េរិកទី ៤៥ បន្ទាប់ពីស្បថឡើងកាន់តំណែង កាលពីម្សិលមិញ ហើយអំឡុងពេលនោះដែរ មានតារាជាច្រើន បានបញ្ចេញ នូវ​ប្រតិកម្មឆ្លើយតប ។​
Arnold Schwarzenegger បានសរសេរនៅលើធ្វីតទ័រខ្លួនថា «អរគុណប្រធានាធិបតី​អូបាម៉ា សម្រាប់ការលះបង់របស់អ្នក អបអរសាទរ លោក​ត្រាំ សូមឲ្យសំណាងល្អ​»។​

Larry King បានសរសេរថា «លាហើយ អូបាម៉ា និង មីឆេល អូបាម៉ា សួស្តី ប្រធានាធិបតីត្រាំថ្មី និង នារីដំបូងរបស់អាម៉េរិក លោកស្រី ត្រាំ​»។​

តារាសម្តែង Melissa Joan Hart បានសរសេរថា «ចូលអធិដ្ឋាន សម្រាប់ឆ្នាំខាងមុខ ដើម្បីឲ្យប្រទេសយើង ផ្លាស់ទី​ទៅកាន់ការវិវឌ្ឍន៍»។

តារាចម្រៀង Katy Perry បានសរសេរលើគណនីខ្លួនថា «ខ្ញុំបានគេងនៅទីនេះ បន្ទាប់មកយើងនឹងរកផ្លូវមួយសម្រាប់សិទ្ធិស្ត្រី(លោកត្រាំ ជាមនុស្សរិះគន់ និងមើលងាយស្ត្រី)»។

តារាសម្តែង Jessica Chastain បានសរសេរថា កាចចុះថយរបស់អាម៉េរិក ក្នុងសមភាពយេនឌ័រ ស្ត្រីត្រូវចងចាំ ដើម្បីកំណត់ពេលថយក្រោយវិញ ។​

តារាសម្តែង Kat Dennings បានសរសេរថា នេះជាថ្ងៃដ៏អស្ចារ្យ ដែលយើង​ឃើញការផ្សព្វផ្សាយ ពាណិជ្ជកម្ម។

តារាចម្រៀង John Legend បានសរសេរថា «ពីរលើកមុនេះ កម្មវិធី​ស្បថឡើងកាន់តំណែង មានមនុស្សកុះករ តែពេលនេះ ស្ងាត់​»។​

តារាសម្តែង Chrissy Teigen ថា «តើអ្នកមានអារម្មណ៍សុខស្រួលអត់ ពេលនេះ​អាម៉េរិកវិលថយក្រោយ»។​