ក្រោយពីក្រសួងវប្បធម៌ និងវិចិត្រ សិល្បៈបានផ្អាកការផ្សាយភាពយន្ត រឿង ភក្តីស្នេហ៍ទ្វេភព បន្ទាប់ពីមានការរិះគន់ថា កាឡៃអក្សរសិល្ប៍ខ្មែរនោះ មានការសាទរនឹងចំណាត់ការរបស់ក្រសួងយ៉ាងខ្លាំង។
នៅព្រឹកថ្ងៃទី២៥ ខែមករា ឆ្នាំ២០១៧ លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ បានបញ្ចេញនូវទស្សនៈខ្លឹម របស់អ្នកស្រី នៅលើបណ្តាញសង្គមហ្វេសប៊ុកឲ្យដឹងថា តើសង្គ្រាមពាក្យសំដីលើការក្រឡៃអក្សរសិល្បជាតិ បានជួយអ្វីខ្លះដល់ការថែរក្សាវប្បធម៌ខ្លួន។ ការដែលបរទេសចង់បន្លំ ឫ ក្រឡៃវប្បធម៌ខ្មែរ មិនមែនជារឿងចំលែកទេ ប៉ុន្តែការដែលខ្លួនយើងផ្ទាល់ ចូលរួមចំណែក ទាំងដឹងខ្លួនក្តី ទាំងមិនដឹងក្តី ទើបជាបញ្ហាដែលគួរឲ្យបារម្ភ។
សូមកុំឲ្យ ប្រយោជន៍តិចតួច ឫ ចំណូលចិត្តផ្ទាល់ខ្លួន ប្រែក្លាយស្នាដៃដូនតាទៅជាអ្វីដែលជាការភន្ត័ច្រឡំសម្រាប់កូនចៅជំនាន់ក្រោយ។
ការធ្វេសប្រហែស ក៏ជាឱកាស ឲ្យមនុស្សមួយចំនួន តាមរយះផលប្រយោជន៍ផ្ទាល់ខ្លួន អាចធ្វើការប្រឌិត ក្រឡៃនូវតថភាព និង សច្ចភាព គ្រប់យ៉ាង ទាំង អក្សរសិល្ប៍ ទាំង ប្រវត្តិសាស្ត្រ។បើយើងមិនរួមគ្នាទប់ស្កាត់ ពេលនេះ តើយើងត្រូវទប់ស្កាត់ពេលណា?
តើយើងពិតជាចង់ឲ្យ ក្មេងៗ នៅ ២ - ៣ ជំនាន់ក្រោយទៀត មានចង្ងល់សួរថា តើរឿង ទុំទាវ បញ្ចប់ដោយការជួបគ្នានៅភពមួយទៀត ឫ ក៏ដោយការស្លាប់របស់ ទុំ និង ទាវ នៅពោធិ៍ជើងខាល?តើយើងប្រាកដជាមិនអាចគិតឃើញអ្វីទៀត ដែលលើសពីប្រយោជន៍ខ្លួនក្នុងពេលបច្ចុប្បន្ននេះមែនឫ?
មតិយោបល់