Shkodran Mustafi គឺពិតជាសមនិងឈ្មោះ Mr មិនចាញ់ពិតមែន ក្រោយពីវត្តមានរបស់គេនៅក្លឹប Arsenal ១៥ប្រកួតមកហើយ មិនដែលធ្វើឱ្យក្រុមមួយនេះបរាជ័យម្ដងណាឡើយ។
ខ្សែការពាររូបនេះគឺក្លឹប Arsenal ទិញមកពីក្រុម Valencia កាលពីរដូវក្ដៅកន្លងទៅ ហើយរូបគេអាចសម្របខ្លួនជាមួយក្រុមនៅអង់គ្លេសបានល្អមែនទែន ហើយថែមទាំងអាចជួយក្រុមនេះឈរនៅតំណែងលេខ២ក្នុងកំពូលតារាងបានថែមទៀតផង។ អ្វីដែលធ្វើឱ្យអ្នកគាំទ្រ Arsenal កាន់តែសប្បាយចិត្តនោះ គឺ១៥ប្រកួតមកហើយដែលមានវត្តមានរបស់ខ្សែការពាររូបនេះចូលលេង បានជួយឱ្យកាំភ្លើងធំមិនស្គាល់ពាក្យថាចាញ់នោះទេ។
យ៉ាងណាមិញ បើគិតពីកំណត់ត្រានៅលីគកំពូលអង់គ្លេសវិញ វាហាក់នៅឆ្ងាយបន្តិចហើយ ព្រោះថាកំណត់ត្រាចាស់ដែលកីឡាករចូលលេងដំបូងជួយក្រុមមិនចាញ់ច្រើនប្រកួតនោះ គឺមានរហូតដល់ទៅ៤៧ប្រកួតឯណោះ ដោយម្នាក់នោះឈ្មោះថា Jens Lehmann ដោយគ្រានោះរូបគេលេងឱ្យ Arsenal ដូចគ្នា៕
មតិយោបល់