បន្ទាប់ពីផ្ទេរទ្រនំ ពីថោន មកកាន់ទ្រនំចាស់ហង្សមាស តារាចម្រៀង សុគន្ធ នីសា ត្រូវ​បានក្រុមហ៊ុនមួយនេះ ជ្រើសរើស តំកើនឲ្យដើរ​ជា​តួឯកក្នុងខ្សែភាពយន្ត «សិសិររដូវ​ក្នុងបេះដូង​» ដែលជាខ្សែភាពយន្តភាគដំបូង របស់ហង្សមាស ។​

បើតាមប្រភពច្បាស់ការចេញពីក្រុមបុគ្គលិកហង្សមាស​​តែម្តង ដោយសូមមិនបញ្ចេញឈ្មោះ ក៏បានប្រាប់ Post Komsan ក៏ដូចជា Post News ឲ្យដឹងថា សុគន្ធ នីសា ត្រូវបានក្រុមហ៊ុនហង្សមាស​ជ្រើសរើស ដើរ​តួ ឯក ក្នុងខ្សែភាពយន្តភាគដំបូង ដោយមាន ឆន សុវណ្ណរាជ ជា​តួឯកប្រុស ត្រូវសម្តែង​ ក្នុងភាពយន្ត «សិសិររដូវ​ក្នុងបេះដូង​» ដែលជាភាពយន្តមួយ ទិញសិទ្ធពីក្រុមភាពយន្ត កូរ៉េ ។​

ប្រភពច្បាស់ការនេះ បានបន្តថា ភាពយន្តមួយនេះ ត្រូវបានដឹកនាំ សម្តែង ដោយលោក ខាំ ភូរិ ដែលត្រូវបានគេដឹងថា ជា​អ្នកដឹកនាំ កម្មវិធីអង្គរ​សង្ក្រាន្ត ដ៏ឆ្នើម នោះ ៕​