ក្រុមការងារភាពយន្តហូលីវ៉ូត លោក Shayne Tingle និងនាង Melissa Yount ត្រូវជាមិត្តភក្តិរបស់តារាសម្តែងដ៏ល្បីល្បាញលោក Paul Walker បានចុះមកទឹកដីកម្ពុជា ដើម្បីធ្វើអណ្តូងទឹកដល់ជនក្រីក្រក្នុងសហគមន៍ នាខេត្តសៀមរាប ។
លោកសាវិន ហ្វីលីព ជាតារាសំដែងល្បីឈ្មោះ និង ជាឯកអគ្គរាជទូតសុឆន្ទះ របស់អង្គការសប្បុរសធម៌ ជួយកុមាររបស់បារាំង ឈ្មោះ CGF Children Foundation ហើយនិងជាដៃគូសហការជាមួយអង្គការសុបិន្តកុមារកម្ពុជាក្នុងខេត្តសៀមរាប បានប្រាប់ឲ្យដឹងថា លោក Shayne Tingle គឺជាក្រុមការងាររបស់ហូលីវូត និងត្រូវជាមិត្តភក្តិតារាសម្តែង Paul Walker ដោយបានចុះមកធ្វើអណ្តូងទឹក ចំនួន១២ ផ្ដល់ជូនគ្រួសារកុមារក្រីក្រនិងជនពិការ តាមរយៈមូលនិធិកុមារសាវិនកម្ពុជា ដើម្បីរំលឹកខួបគំរប់៣ឆ្នាំនែការស្លាប់ តួប្រុសក្នុងរឿង The Fast and the Furious ក្នុងឧបទ្ទេវហេតុគ្រោះថ្នាក់ចរាចរណ៍ ។
បញ្ជាក់ផងដែរថា លោក Paul Waker បានស្លាប់កាលពីថ្ងៃទី៣០ ខែវិច្ឆិកា ឆ្នាំ២០១៣ ខណៈដែលស្លាប់ក្នុងអាយុ ៤០ឆ្នាំ៕
មតិយោបល់