ម្ចាស់បទ My Heart Will Go On អ្នកនាង Celine Dion មានភាពភ្ញាក់ផ្អើល ហើយចំហមាត់ធំ ខណ:ដែលគូស្នេហ៍ជាអ្នកគាំទ្ររូបនាង បានលុតជង្គងសុំរៀបការនៅចំពោះមុខនាង ហើយស្នើរសុំរូបនាងជាសក្ខីស្នេហ៍ឲ្យអ្នកទាំងពីរ នោះផងដែរ​។

មុនថ្ងៃសម្ដែងមួយថ្ងៃ របស់តារាស្រី Celine Dion នៅក្នុងរដ្ឋ Las Vegas នាងមានក្ដីរំភើប ដែលត្រូវបានគូស្នេហ៍មួយគូ ដែលជាអ្នកគាំទ្ររូបនាង បានស្នើរសុំនាង ជាសាក្សីស្នេហ៍ ក្នុងការដឹងឮសេ្នហារបស់ពួកគេ ដែលកូនកំឡោះមានឈ្មោះ Nick Janevski ហើយកូនក្រមុំឈ្មោះ Austin McMillan នឹងអាចចាត់ទុកថា ជាការសុំរៀបការយ៉ាងភ្ញាក់ផ្អើលបំផុតមិនដែលមាន ។

កូនក្រមុំនាង Austin McMillan បាននិយាយថា ” ខ្ញុំភា្ញក់ផ្អើលបំផុត រកនិយាយអ្វីមិនចេញឡើយ អ្នកនាង Celine Dion ចេញមកពីក្រោយ ហើយសួរខ្ញុំថា នាងយល់ព្រមឬទេ ហើយ Celine ភ្ញាក់ផ្អើលណាស់ ខ្ញុំក៏ដូចគ្នា ហើយនាងគួរឲ្យស្រលាញ់បំផុត ដែលនាងបានជូនពរដល់ពួកយើងស្រលាញ់គ្នាយូរអង្វែង ហើយមានក្ដីសុខក្នុងគូជីវិត ដូចនាងនិងស្វាមីដែរ ថែមទាំងផ្ដល់វត្តមានចូលរួមអាពាហ៍ពិពាហ៍របស់យើងដែរ “៕