គូស្នេហ៍វ័យក្មេងដែលមានភាពល្បីល្បាញនៅបណ្ដាញសង្គម អ៊ីនស្តារក្រាម គឺរវាង Brooklyn Beckham និង Chloe Moretz បន្ទាប់ពីមានរឿងចែកផ្លូវគ្នាមួយរយៈមក នៅសុខៗស្រាប់តែអ្នកទាំងពីរ បង្ហោះរូបភាពនៅជាមួយគ្នា នៅលើ អ៊ីនស្ដារក្រាមរៀងខ្លួន ដែលធ្វើអ្នកគាំទ្រមានភាពងឿងឆ្ងល់ ថា តើអ្នកទាំងពីរកំពុងបង្ហាញសញ្ញាថាត្រូវគ្នាវិញហើយមែនទេ ? នេះដោយយោងតាមសារព័ត៌មាន MThai នៅថ្ងៃទី ៧ ខែ មិនា ឆ្នាំ ២០១៧ ។

ដំបូងនៅលើ អ៊ីនស្ដារក្រាម របស់ Brooklyn Beckham បានបង្ហោះរូបភាពសរខ្មៅ ជារូបសក់របស់នារីម្នាក់​ ដែលធ្វើឲ្យអ្នកគាំទ្រលោកមិនអាចទស្សទាយបានថាជានរណា ថែមទាំងសរសេរចំណងជើងពីលើរូបថា ” ទ្រាំចាំឲ្យដល់ខែឧសភាមិនបានឡើយ ” ។

រហូតរូបភាពទីពីរ របស់ Brooklyn Beckham បានបង្ហោះម្ដងទៀត ជារូបភាពម្រាមដៃកាន់ជាប់គ្នា នោះទើបអាចស្មានដឹងថា ជារូបដៃរបស់ Chloe Moretz ដែលជាអតីតសង្សារចាស់ ហើយរូបនោះទៀតសោតអ្នកគាំទ្រអាចទាយថា ជាសញ្ញាត្រូវគ្នាវិញរបស់ Brooklyn Beckham និង Chloe Moretz ៕