ផ្ទះ ព័ត៌មានសិល្បៈ និងកម្សាន្ត តារាថ្មីមួយរូ...

តារាថ្មីមួយរូប ស្កាត់ពីកូរ៉េ សំណាងបានច្រៀងបទ ម្ចាស់ស្នាដៃ”អាចរួមទុក្ខ ម្ដេចមិនអាចរួមសុខ”

0

ចាត់ទុកថាសំណាងមិនតិចទេ ដែលពន្លកមួយរូបហេតុតែស្រទ្បាញ់វិស័យចម្រៀងពេក សុខចិត្តសុំច្បាប់ស្កាត់ តាំងពីប្រទេសកូរ៉េ មកថតមួយបទនៅកម្ពុជា ហើយបានច្រៀងបទជាស្នាដៃ របស់លោក វិរ: ពន្លក ដែលជាម្ចាស់ស្នាដៃបទ “អាចរួមទុក្ខបាន ម្ដេចមិនអាចរួមសុខ។

ការបង្ហោះរបស់ លោក វិរ: ពន្លក ដែលជាអ្នកមានស្នាដៃ ក្នុងការផលិតបទចម្រៀង នាពេលចុងក្រោយ។ លោកបានបង្ហោះថា ខ្លួនបាននិពន្ធចម្រៀងមួយបទ ជូនដល់ពលករកូរ៉េមួយរូប ដោយសារតែពលកររូបនោះ ចង់សម្រេចបំណង មានបទចម្រៀងផ្ទាល់ខ្លួន ក្នុងពេលមកលេងស្រុក។ លោកក៏ប្រកាស ទទួលយកពលករ កូរ៉េរូបនោះ ឲ្យធ្វើជាតារាចម្រៀងផង នៅពេលលោកបញ្ចប់ការងារ នៅក្នុងប្រទេសកូរ៉េនាខែ៤ឆ្នាំក្រោយ។

លោក វិរ: ពន្លក បង្ហោះថា “សារ៉ា វីរ: ប្អូនប្រឹងតស៊ូមកពីកូរ៉េ មកដល់ខ្មែរសុខចិត្ត សូមច្បាប់ថៅកែ ដើម្បីគ្រាន់តែចង់ច្រៀងបទថ្មីដែលប្អូនស្រទ្បាញ់។ រឿងអីបងបដិសេធប្អូន? តោះបងប្អូនមកស្គាល់ និងស្តាប់បទថ្មីរបស់ ឃុត សារ៉ាវិរ: ទាំងអស់គ្នាគឺបទ” គ្មានអ្នកក្បត់ ក៏គ្មានអ្នកខុស”។

យោងតាមការបង្ហោះ បទ “គ្មានអ្នកក្បត់ក៏គ្មានអ្នកខុស” គឺជាការបកស្រាយ ដោយពលករកូរ៉េឈ្មោះ សារ៉ា វីរ: ក្រោមការនិពន្ធទំនុកច្រៀង និង មេឡូឌី ដោយរូបលោកផ្ទាល់ គឺកវីនិពន្ធ វីរ: ពន្លក ដែលមានស្នាដៃ រាប់មិនអស់ក្នុងពិភព ចម្រៀង ខណ:ដែលបទ “អាចរួមទុក្ខម្ដេចមិនអាចរួមសុខ” គឺជាស្នាដៃរបស់លោក កំពុងល្បីនាពេលនេះ។

មួយបទនេះ សម្រួលតន្ដ្រី ដោយ PETY SAM និងក្រាហ្វិក-កាត់ត ដោយលោក គង់ តូ។ លោក វិរ: ពន្លក បញ្ជាក់ថា លោក សារ៉ា វិរ: មិនគ្រាន់តែជាពលករ នៅក្នុងប្រទេសកូរ៉េ ប៉ុណ្ណោះទេ ប៉ុន្តែលោកក៏មាន ទឹកដមសំទ្បេងល្អ និងមានមហិច្ឆតា ចង់ក្លាយជាតារាចម្រៀងផងដែរ ទើបលោកសម្រេចចិត្តនិពន្ធបទឲ្យច្រៀង៣បទ តែថតចប់តែមួយបទ ព្រោះប្រញាប់ទៅធ្វើការនៅកូរ៉េវិញ។

លោកបានទាំងរំពឹងថា បទ”គ្មានអ្នកក្បត់ ក៏គ្មានអ្នកខុស”របស់លោក សារ៉ា វិរ: នឹងផ្ទុះការគាំទ្រនោះផង ជាពិសេសនៅក្នុងរង្វង់ពលករកូរ៉េ ដែលលោកបម្រើការ៕

Leave a Reply

This site uses Akismet to reduce spam. Learn how your comment data is processed.