តារាសម្តែង Kim Tae Hee ថ្មីៗនេះបាននិយាយពីជីវិតខ្លួន បន្ទាប់ពីរៀបមង្គលការរួច ជាមួយផែនការជីវិតយកកូនដំបូង ។នេះបើយោងតាមគេហទំព័រ koreaboo ចុះផ្សាយនៅថ្ងៃទី២១ ខែមីនា ឆ្នាំ២០១៧។
Kim Tae Hee បានអង្គុយផ្តល់បទសម្ភាសន៍ ដើម្បីឆ្លើយសំនួរខ្លះពាក់ព័ន្ធជីវិតនាង បន្ទាប់ពីរៀបការជាមួយនឹងតារាចម្រៀង Rain ។
តារាសម្តែងខាងលើបានបន្តថា នាងនៅតែរីករាយ ដោយស្នាក់នៅផ្ទះរបស់ប្តី រួមទាំងឪពុកក្មេក និងប្អូនប្រកបដោយភាពសប្បាយរីករាយ។នាងបន្តថា នាងពិតជារីករាយរស់នៅជាមួយគ្រួសារខាងប្តី ក៏ព្រោះពួកគេបានយកចិត្តទុកដាក់ចំពោះនាង ហើយនាងវិញទៀតសោត ក៏បានធ្វើម្ហូបអាហារសម្រាប់ពួកគេផងដែរ។
Kim Tae Hee បានលើកឡើងថានាងកំពុងមានគម្រោង ចង់បានកូនក្នុងពេលឆាប់ៗខាងមុខនេះ តាមលទ្ធភាព ដែលអាចធ្វើទៅបាន៕
មតិយោបល់