តួអង្គប៉ាវចិន ក្នុងរឿងភាគតុលាការមុខដែក កំពុងប្រឈមគ្រោះថ្នាក់ដល់ជីវិត ដោយដុះ​ដុំសាច់ក្នុងខួរ​ក្បាល ហើយព័ត៌មាននេះទៀតសោត ក្រុមគ្រួសារ​លោកកំពុងព្យាយាមបិទបាំង​។
ប្រភពព័ត៌មានបានឲ្យដឹងថា ប៉ាវចិន​បាន​ធ្វើការវះកាត់​សាច់ដុះក្នុងក្បាល ១០សង់ទីម៉ែត្រ កាលពីប៉ុន្មានខែមុន​។​សារព័ត៌មានតៃវ៉ាន់ បានផ្សាយផងដែរថា តួអង្គប៉ាវចិន ក្នុងរឿងតុលាការមុខដែក បានវះកាត់ខួរក្បាល យកដុំសាច់ដុះនោះចេញ ហើយក៏បង្ខំខ្លួន​ចូលពេទ្យ ដើម្បីវះកាត់​។
ការវះកាត់នេះ ទទួលបានជោគជ័យ​ ដោយយកសាច់ដុះ ក្នុងខួរប្រវែង ១០សង់ទីម៉ែត្រ ។ ជាការពិតណាស់​ការវះកាត់ ត្រូវបានធ្វើអស់ជាច្រើនខែ ប៉ុន្តែ​គ្រួសារ​តារាសម្តែងខាងលើ បានព្យាយាមបិទបាំងនូវព័ត៌មាន ពីក្រុមអ្នកសារព័ត៌មាន​។

សម្រាប់លោក Jin Chao chun តួអង្គប៉ាវចិននេះ បានល្បីល្បាញបំផុត ក្នុងរឿង តុលាការមុខដែក ក្នុងឆ្នាំ​១៩៩៣ ក៏ព្រោះតែសាច់រឿង​កាត់ក្តីយុត្តិធម៌ ជូន​ជនស្លូតត្រង់។
លោក Jin Chao chun ក្រៅពីមានបញ្ហាជំងឺខាងលើ គឺមានសម្ពោធ​ឈាមឡើងខ្ពស់ និងកម្រិត​ជាតិស្ករក្នុងឈាម ហើយមិនត្រឹមតែប៉ុណ្ណឹងនោះទេ ជាច្រើនឆ្នាំមកនេះ​ពេលលោកគេង​ពិបាកដកដង្ហើម ដោយប្រើប្រាស់ឧបករណ៍​ជំនួយដល់ការដកដង្ហើម ៕