អ្នកនាង​ Kimbie Chan អាយុ​៣៧ឆ្នាំ បច្ចុប្បន្នមានទឹកប្រាក់ក្នុងដៃចំនួន ៩ពាន់លានដុល្លារ​អាម៉េរិក ដែលទាំងនេះ​គួរ​អរគុណដល់ប្តីរបស់នាងលោក Joseph Lau អាយុ​៦៥ឆ្នាំ ដែលម្ចាស់ក្រុមហ៊ុន​អចលនទ្រព្យ Chinese Estates Holdings ដោយបានផ្ទេរទ្រព្យសម្បត្តិរបស់លោកទៅឲ្យភរិយា កាលពីថ្ងៃទី​១ ខែមីនា ឆ្នាំ​២០១៧ ក្នុងហេតុផល​ស្ថានភាពសុខភាព មិនស្ថិតស្ថេរ។
ភ្លាមៗក៏លេចឭនូវព័ត៌មានចរចាមអារ៉ាមលើអនឡាញថា លោក Joseph Lau បានស្លាប់បន្ទាប់ពីការផ្ទេរ​ទ្រព្យសម្បត្តិ ។ ក្រោយព័ត៌មានលេចឭបែបនេះ​ កាលពីថ្ងៃទី​២ លោកក៏បានបង្ហាញមុខនៅការិយាល័យកណ្តាលក្នុងក្រុមហ៊ុនរបស់លោក។
ខាងក្រោមនេះគឺ៥ចំណុចគួរ​ស្វែងយល់ពីស្ត្រីដែលមានជាងគេនៅហុងកុង៖

១.នាងបានដាក់ឈ្មោះខ្លួនឯង ក្រោយពីទទួលបានពានរង្វាន់
នាងបានដាក់ឈ្មោះខ្លួនឯងថា Kimbie បន្ទាប់ពីទទួលបានពានរង្វាន់ពីខ្សែភាពយន្តគំនូរជីវចល Goldfish Warning! (1991-1992) ។

២. នាងធ្លាប់ជាអ្នកយកព័ត៌មានផ្នែកកម្សាន្ត
ស្ត្រីខាងលើនេះ ធ្លាប់បានចូលរួមប្រឡូកក្នុងវិស័យព័ត៌មាន ដោយបម្រើការឲ្យអង្គភាពព័ត៌មាន Apple Daily ក្នុងមុខតំណែង អ្នកយកព័ត៌មាន ផ្នែកកម្សាន្ត នៅឆ្នាំ​១៩៩៩ ដោយរកបានថវិកាចំនួន ១ម៉ឺនដុល្លារហុងកុង ក្នុងមួយខែ ។ នាង​ក៏ធ្លាប់បានធ្វើការ​ជិតស្និទ្ធ ជាមួយ តារាសម្តែង​ Stephen Chow ហើយសូម្បីតែ​តារាសម្តែងរូបនេះ ទទួលបានរង្វាន់នៅឆ្នាំ​២០០១ នាង​ក៏បានហែរហម តាមនិងចូលរួមកម្មវិធីជប់លៀង​។​

៣. ធ្លាប់មានស្នេហាពីរលើក មុនជួប​សេដ្ឋីខាងលើ
នៅអាយុ​១៨ឆ្នាំ Kimbie Chan បានរួមរស់ជាមួយថ្នាក់ដឹកនាំស្ថានីយ៍ទូរទស្សន៍ Asia Television តែ១ឆ្នាំក្រោយមកក៏បានចែកផ្លូវគ្នា ។ ក្នុងនោះ ថ្នាក់ដឹកនាំស្ថានីយ៍ទូរទស្សន៍ Asia Television បាននិយាយថា នាងពិតឆ្លាតណាស់ លោកមិនអាចមានសមត្ថភាពគ្រប់គ្រាន់ ដើម្បីពិនិត្យស្ថានភាពក្រោយខ្នងរបស់នាង។
ក្រោយចែកផ្លូវនាង ក៏បានជួបជាមួយអ្នកថតរូបម្នាក់ ដោយរួមរស់ជាមួយគ្នា​២ឆ្នាំ ក៏ចែកផ្លូវគ្នា ក៏ព្រោះតែនាង​ចាប់ផ្តើម​មានទំនាក់ទំនងស្និទ្ធរមួតជាមួយ Mr Lau ។​

៤. នាងជួបលោក Lau អំឡុងពេលធ្វើការងារ
Kimbie Chan បានជួបជាមួយលោកLau ក្នុងឆ្នាំ​២០០១ ក្នុងបទសម្ភាស ធ្វើកិច្ចការសាលារបស់នាង ។ ក្នុងនោះនាងក៏បានទាញកាម៉េរ៉ាថត ទៅលើ Lau យ៉ាងជិត ជាហេតុធ្វើឲ្យ​សេដ្ឋីខាងលើសួរថា ហេតុអ្វីចាំបាច់ថតរូបជិតអីយ៉ាងនេះ ? នាងក៏បានឆ្លើយថា វ៉ា! ឬលោកខ្លាចខ្ញុំឃើញប្រជ្រុយរបស់លោក ។ សម្តីនេះបានធ្វើឲ្យលោក ចងចាំនឹងភាពក្លាហានរបស់នាង ។​

៥.នាងបានផ្តួលគូប្រជែងជាច្រើន ដែលស្ថិតក្នុងចិត្តលោក Lau

Kimbie Chan បានយកឈ្នះគូប្រជែងជាច្រើន សម្រាប់ស្នេហា​របស់លោក Lau ។ ក្នុងបទសម្ភាសន៍ជាមួយ កាសែត Apple Daily លោក Ms Lui បានប្រាប់ពីមូលហេតុដែលលោកជ្រើសរើសយក​ Kimbie Chan ថា ដោយសារតែនាង​យកចិត្តទុកដាក់លើខ្ញុំ កូនខ្ញុំ ទើបលោកសម្រេចយកនាងដាក់ក្នុងបេះដូង​ ។ ក្នុងនោះនាងមានកូនពីរ ជាមួយ Mr Lau ដោយមានកូន ប្រុស​អាយុ ៥ឆ្នាំ និងកូនស្រី​អាយុ ៩ឆ្នាំ ។ នៅឆ្នាំ​២០១៥ លោក Lau បានធ្វើការដេញថ្លៃលើត្បូងពេជ្រ ដែលមានតម្លៃ ៦៩លានដុល្លារអាម៉េរិក ទុកជាចំណងដៃកូនស្រីរបស់ខ្លួន ៕​

ប្រភព៖straitstimes