បាត់មុខពីសិល្ប:តែមួយរយ:សោះ លោកភោ សុផានិត បានក្លាយជាអ្នកគ្រប់គ្រងធំប្រចាំនៅភោជនីយដ្ឋាន«Dara Beef Restaurant » ដែលជាហាងអន្តរជាតិយ៉ាងកាលីពនៅខាងក្រោយក្រសួងមហាផ្ទៃ និងអតីតសណ្ឋាគារតាយម៉េង។ លោកទើបតែទទួលតំណែងនេះ១ខែប៉ុណ្ណោះ ខណ:ដែលលោកប្រាប់ថានឹងក្ដោបតំណែងនេះឲ្យជាប់ ដើម្បីនិរន្តរភាពការងារក្រៅពីសិល្ប:។

លោកភោ សុផានិត បញ្ជាក់ថាលោកនឹងបង្ហាញខ្លួននៅលើកញ្ចក់ទូរទស្សន៍មួយក្នុងនាមជាអ្នកផលិតកម្មវិធីក្នុងពេលឆាប់ៗ ដោយសារតែលោកក៏នៅតែស្រឡាញ់ និងចង់ប្រឡូកការងារសិល្ប:មិនទាន់នឿយណាយ។ លោកថាខ្លួនដ្បិតថាមិនចេញមុខតាមទូរទស្សន៍ ប៉ុន្តែក៏បានរៀបចំ ការប្រគំតន្ត្រី និងទទួលការងារជាពិធិករជាហូរហែរមិនដែលដាច់ឡើយនាពេលកន្លងមក។ ក្នុងនោះលោកទើបនឹងបើកព្រឹត្តិការណ៍«សង្ក្រានឆ្នាំថ្មីនៅវិហារសួគ៏»នាថ្ងៃទី៨ ទី៩ និងទី១០ មេសាខាងមុខនោះផង ដើម្បីបង្ហាញមហាជនថាលោកនៅតែស្រឡាញ់សិល្ប:។ លោកថាខ្លួននឹងវិលត្រលប់ទៅកាន់ការងារទូរទស្សន៍វិញមិនយូរមិនឆាប់ បើទោះជាលោកទើបបានតំណែងជាអ្នកគ្រប់គ្រងភោជនីយដ្ឋាន«Dara Beef Restaurant » ដែលជាតំណែងធំមួយនោះក៏ដោយ។ លោកនិយាយថាដោយសារតែលោករៀនចប់អនុបណ្ឌិត្យផ្នែកគ្រប់គ្រង ទើបលោកទទួលបានឱកាសនេះកាលពី១ខែមុន ដោយក្រៅពីធ្វើឲ្យហាងដែលលោកកាន់កាប់មានការភ្ញៀវច្រើនឡើយ លោកក៏មានគម្រោងគៀរគរតារាសិល្ប:ឲ្យគាំទ្រហាងនេះ ក្នុងអំឡុងពេលដែលលោកចាត់ចែងជាអ្នកគ្រប់គ្រងធំនោះផងដែរ។ លោកថាខ្លួនបំពេញការងារក្នុងហាងពីពេលល្ងាចដល់ពេលពាក់កណ្ដាលអធ្រាតុ ទើបលោកមានពេលគ្រប់គ្រាន់សម្រាប់ជួយមើលខុសត្រូវមុខជំនួញនាំចូលផលិតផលហ្វូមលាងមុខ និងផលិតផលថែរក្សាសម្រស់មកពីជប៉ុនរបស់ភរិយាមួយទៀត ក្រៅពីទទួលការងារសិល្ប:។ ប្រកាសទទួលការងារសិល្ប:ជាថ្មី និងថាបើទោះជាការងារសិល្ប:រុញឲ្យលោកមិនសូវមានពេល ក៏លោកមិនចោលមុខតំណែងជាម្ចាស់ហាងជប៉ុនដ៏ធំមួយនេះផងដែរ ដើម្បីកុំឲ្យជំនាញដើមភ្លេចអស់។ លោកថាខ្លួនមិនធ្លាប់ធ្វើជាអ្នកគ្រប់គ្រងភោជនីយដ្ឋានក្រោយពេលរៀបចប់អនុបណ្ឌិត្យនោះទេ ប៉ុន្តែមកពីលោកមានជំនាញ និងការស្វែងយល់ច្បាស់លាស់ ទើបអាចរៀបគម្រោងផ្សព្វផ្សាយឲ្យហាង រហូតធ្វើអោម្ចាស់ហាងប្រគល់តំណែងឲ្យធ្វើជាអ្នកគ្រប់គ្រងធំតែម្ដងកាលពី១មុខ។ លោកថាខ្លួនកាន់តែមានបទពិសោធន៍ តែលោកមិនមានចំណូលចិត្តបើកភោជនីយដ្ឋានខ្លួនឯងនោះទេ ដោយសារតែលោកក៏មានមុខជំនាញលក់ហ្វូម និងគ្រឿងថែរក្សាសម្រស់មកពីជប៉ុនរួចទៅហើយ៕

//www.youtube.com/watch?v=adbyqbnWLTs