ផ្តើមចេញពីការបង្ហោះ​Status នៅលើបណ្តាញសង្គមហ្វេសប៊ុក ថា​ម្តាយ​ទិញឡាន​ជាកាដូ​ដែលកូនចង់បាន បានធ្វើឲ្យទស្សនិកជន​មួយចំនួនកើតមន្ទីលសង្ស័យ រហូតដល់ថានាងមានកូន។​

ជាមួយនឹងដំណឹងដ៏រសើបថា តារាសម្តែង និងជាពិធីការិនីណូម័រ មានកូននេះ បានធ្វើឲ្យនាង​ខ្លួនឯងផ្ទាល់ មានការភ្ញាក់ផ្អើល ជាខ្លាំង ខណ:ដែលខ្លួននាង​មិនទាន់នឹងរកឃើញ​ដៃគូជីវិតនៅឡើ​យ​នោះផង​។​

ថ្លែងប្រាប់ Post Komsan នៅព្រឹកថ្ងៃទី​២៩ ខែមីនា ឆ្នាំ​២០១៧ កញ្ញាអន រ៉ាស៊ី​សុមេត្តា ហៅណូម័រ បានបញ្ជាក់ថា សម្រាប់ព័ត៌មាន កំពុងភ្ញាក់ផ្អើលដែលនាងមានកូន​ជាដំណឹង​មិនពិត​ទាល់តែសោះឡើយ ។ អ្វីដែលលេចឭឡើងនោះ ក្រោយខ្លួននាងផ្ទាល់បានបង្ហោះសារថា ក្នុងថ្ងៃខួបកំណើតកូន 25/3/2017 ម្តាយទិញឡានជាកាដូដែលកូនចង់បាន តែម្តាយសុខចិត្តអត់សាំងឡានខ្លួនឯង អ្នកណាយល់អារម្មណ៏មួយនេះ ។

នាងបានចាត់ទុកថាដំណឹង​ខាងលើថានាងមានកូន ជារឿងមិនពិតទាល់តែសោះឡើយ ហើយក្មេងប្រុសដែលនាងបង្ហោះលើគណនីហ្វេសប៊ុកខ្លួនឯង គ្រាន់តែ​ជាក្មួយប្រុស​ដែលមានអាយុ ១ខួបតែប៉ុណ្ណោះ ដែលនាងតែងតែហៅថាកូនៗពេញមាត់ ហើយក្មួយទៀតសោត គឺជា​កូនរបស់បងស្រីនាង​។

ទោះជាយ៉ាងនេះក្តី ណូម័រ បានអះអាងម្តងហើយ ម្តងទៀតថា អ្វីដែល​​គេ​និយាយនោះជារឿងបំផ្លើស​ បង្ខួច​កេរ្តិ៍ឈ្មោះនាង ហើយនាង​ទៀតសោត មិនចង់ល្បីល្បាញដោយសារតែព័ត៌មានបែបនេះទេ ។ នាង​ថា​ មានកូនមកពីណា បើករកមិនទាន់មានសម្ព័ន្ធស្នេហា ជាមួយបុរសណាផង ស្របពេលដែលកំពុង​មមារញឹកខ្លាំង ក្នុងការសម្តែង និងដើរធ្វើពិធីការិនី កម្មវិធីខនសឺត គ្រប់ខេត្តយ៉ាងនេះ ៕​