ព្រះសីហនុៈ លោកអធិការរងស្រុកកំពុងសីលា បានប្រាប់ Post News ថា កាលពីវេលាម៉ោង៧និង២៥នាទី ព្រឹកថ្ងៃទី២៩ ខែមីនា ឆ្នាំ២០១៧ មានករណីគ្រោះថ្នាក់ចរាចរណ៍ បង្កឡើងដោយរថយន្តម៉ាក ហ៊ីយ៉ាន់ដាយ ពណ៌ត្រួយចេក ទ្រុងខៀវ ពាក់ស្លាកលេខ ព្រះសីហនុ3988 ដឹកខ្សាច់ របស់ក្រុមហ៊ុនអូដ្ឋ ដែលបើកបរក្នុងទិសដៅភ្នំពេញទៅកំពង់សោម ដោយសារតែរថយន្តឆ្លងខ្យល់ ជាន់ហ្រ្វាំងមិនស៊ី បណ្តាលឲ្យបុករះរបាំងផ្លូវ និងបង្កាន់ដៃស្ពានផ្នែកខាងស្តាំ។

ប្រភពដដែលបន្តថា អ្នកបើកបរមានឈ្មោះ សាត ​ម៉ែន ភេទប្រុស អាយុ៣២ឆ្នាំ មានទីលំនៅ ភ្នំដី ឃុំច្បារមន ស្រុកច្បារមន ខេត្តកំពង់ស្ពឺ របួសស្រាល។

ចប្ចុប្បន្នរថយន្ត ត្រូវបានសមត្ថកិច្ចនាំយករក្សាទុករង់ចាំការដោះស្រាយពេលក្រោយ តាមផ្លូវច្បាប់៕