តារាសម្តែងចិនតៃវ៉ាន់ Ruby Lin ហៅ ជៀវវៃ ម្សិលមិញនេះបានចែករំលែកពីគ្រួសាររបស់ខ្លួន ដែលមានគម្រោងនឹងធ្វើ ក្នុងឱកាស ទិវាមាតក្នុងពេលខាងមុខ​។

ក្នុងព្រឹត្តិការណ៍ “Mother milk milk” គេឃើញ​តារាសម្តែង ជៀវវៃ ស្លៀកពាក់មើលទៅសុភាពទន់ភ្លន់សមនឹងរូបរាង​របស់នាង ដោយត្រឹមតែបញ្ចេញ​សាច់ស្មាដ៏សមកក្រៅ។​

នាងបាននិយាយថា ឥឡូវនេះ នាងពិតជាចិញ្ចឹម និងថែទាំងកូនដោយផ្ទាល់ដៃរបស់នាង ខណៈដែលមិត្តភក្តិរបស់នាង ក៏បានរៀបការ​ និងមានកូនដូចគ្នាដែរ ដោយផ្តើមគំនិតទទួលយកបទពិសោធន៍ ក្នុងការចិញ្ចឹមកូន ការបរិភោគ និងការបំបៅ​ដោះជាដើម។ និយាយអំឡុងពេល​សម្រាលកូន Ruby Lin ហៅ ជៀវវៃ ថាពេលនោះអ្វីៗគឺល្អ ប្រហែលជា​មកពីការ​តាំងចិត្ត និងរក្សា​អារម្មណ៍បានល្អកន្លងមក ។ នៅពេលដែលអ្នកកាសែតសួរពី វិធីធ្វើជាម្តាយគួរតែតឹងរឹង ឬទន់ភ្លន់ចំពោះកូន តារាសម្តែង​ជៀវវៃ បាននិយាយថា ព្រោះតែកូនស្រីនៅក្មេង ដោយមិនទាន់ដឹងពីអ្វីនៅលើពិភពលោក និងជុំវិញខ្លួន នោះទាំងនាង និងស្វាមី ត្រូវតែ​បង្រៀនអ្វីដែលល្អ ដោយទន់ភ្លន់ ។ ដោយឡែកសម្រាប់ថ្ងៃ ទិវាម្តាយ នាងថា​នឹងចំណាយពេលមួយថ្ងៃពេញតែម្តង ដើម្បីនៅជាមួយម្តាយខ្លួន និងជីដូន និង​ទិញអាហារ​ញ៉ាំ​រួមគ្នា៕​