ពេជ្រ សុវណ្ណវិជ្ជរ៉ា តារាសម្តែងរូបស្រស់ ឆើតឆាយ ដែលកំពុងលេចធ្លោក្នុងវិស័យភាពយន្ត ដោយសំអាងទៅលើម្តាយជាប្រធានផលិតកម្ម ចន្ធីមរតកភាពយន្ត ជាអ្នកលើកស្ទួយ តែពេលនេះលេចឭថា អាជីពសិល្បៈរបស់នាងកំពុងប្រែប្រួល។
សុវណ្ណវិជ្ជរ៉ា ជាតារាសម្តែងវ័យក្មេងម្នាក់ ដែលទទួលបានការចាប់អារម្មណ៍ ពីប្រិយមិត្តជិតឆ្ងាយរបស់នាង តាមរយៈខ្សែភាពយន្ត តែគេកម្របានឃើញនាង ឡើងស្ថានីយ៍ទូរទស្សន៍ និងកាន់កាប់ជាពិធីការិនីណាស់ ។ បញ្ជ្រាសមកវិញ ពេជ្រ សុវណ្ណវិជ្ជរ៉ា មួយរយៈចុងក្រោយមកនេះ ស្រាប់តែគេឃើញនាង អើតមុខក្រឡឺម នៅស្ថានីយ៍ទូរទស្សនអប្សរា ដោយធ្វើជាពិធីការិនី ក្នុងកម្មវិធីដួងតារាមាស នៅថ្ងៃអាទិត្យ ម៉ោង ៦ និង ០០ នាទី ដល់ ម៉ោង ៧ និង ០០ នាទី ល្ងាច ដែលមានដៃគូ លោក អ៊ឹង វិច្ច័យ ។
ការប្រែប្រួលអាជីពខុសពីប្រក្រតីនេះដែរ តាមប្រភពព័ត៌មានទម្លាយឲ្យដឹងថា ដោយសារតែការថតកុនរឿង “ម្កុដផ្កាកែវ” បែរជាអាក់ខាន ទើបនាងសម្រេចចិត្តឡើងឆាកជួសការថតរឿង ។ប៉ុន្តែម្តាយរបស់នាង ធ្លាប់បាននិយាយឲ្យដឹងថា “កូនស្រីរបស់អ្នកនាងរវល់ពេកក្នុងការសិក្សា ទើបផ្អាកការថតរឿងនោះសិនតែម្តង” ។ ជុំវិញចំណុចនេះដែរធ្វើឲ្យអ្នកគាំទ្រនាង គិតថា រឿងនោះមិនអាចបន្តទៅមុខ ឬ នាងចង់ប្តូរអាជីព។
បញ្ជាក់ផងដែរថា សម្រាប់ ពេជ្រ សុវណ្ណវិជ្ជរ៉ា គឺជាកញ្ញាឯក ដែលធ្លាប់ឆ្លងកាត់ការប្រឡង តាមរយៈស្ថានីយ៍ទូរទស្សន៍ប៉ុស្តិ៍លេខ ៩ ៕
https://i1272.photobucket.com/albums/y389/domneng/Air/Vichara1_zpse7a76ac7.jpg
https://i1272.photobucket.com/albums/y389/domneng/Air/Vichara4_zps98628d7e.jpg
https://i1272.photobucket.com/albums/y389/domneng/Air/Vichara2_zpsd2efdcac.jpg
https://i1272.photobucket.com/albums/y389/domneng/Air/Vichara3_zps8da3e531.jpg
អត្ថបទ៖គង់វង្ស
រូបភាព៖ អ៊ីនធឺណេត
មតិយោបល់