នាមជាសង្សារប្រុសដ៏ផ្អែមល្ហែមម្នាក់ Zayn Malik បានអោបថើបពញ្ញាក់អារម្មណ៍ Gigi Hadid ក្នុងថ្ងៃខួបកំណើតនាង ដោយខ្សឹបប្រាប់នាងថា ” អូនជាអ្វីៗគ្រប់យ៉ាងសម្រាប់បង ” ។

តាមរយ:គេហទំព័រព័ត៌មាន msn នៅថ្ងៃទី ២៦ ខែមេសា ឆ្នាំ២០១៧ បានឲ្យដឹងថា អតីតតារាចម្រៀងក្នុងក្រុម One Directioner លោក Zayn Malik បានរៀបចំពិធីខួបកំណើតជូនមិត្តស្រីរបស់លោក ដែលជាតារាបង្ហាញម៉ូដល្បីឈ្មោះម្នាក់គឺនាង Gigi Hadid ដែលឆ្នាំនេះនាងមានអាយុ ២២ ឆ្នាំហើយ ។ កាន់តែរំភើបទៅទៀតនេះ តារាប្រុសវ័យ ២៤ ឆ្នាំខាងលើ បានសារភាពស្នេហ៍ដ៏ផ្អែមល្ហែមចំពោះមិត្តស្រីប្រាប់ដល់អ្នកគាំទ្រលោកជាង ២១.៦ លាននាក់ថា ” រីករាយថ្ងៃកំណើតសម្រាប់អូនជាអ្វីៗគ្រប់យ៉ាងសម្រាប់បង ” ។

គួរឲ្យកត់សម្គាល់ថា នៅបណ្ដាញសង្គមអ៊ីនស្ដារក្រាមរបស់ Zayn Malik នៅក្នុងថ្ងៃខួបកំណើតរបស់ Gigi Hadid សង្កេតឃើញមានតែរូបភាពអោបថើបយ៉ាងស្អិតរមួតតែប៉ុណ្ណោះ ដែលនេះអាចបញ្ជាក់បានថា​ ទំហំនៃក្ដីស្រលាញ់របស់ Zayn Malik ចំពោះមិត្តស្រី អាចមានទំនាក់ទំនងយូរអង្វែងជាងតារាចម្រៀង JB និងមិត្តស្រីជាច្រើន៕