តារាចម្រៀងប្រុស Peet Peera ដែលជាម្ចាស់បទ ” Where Is True Love? ” បានបង្ហោះឃ្លីបវីដេអូ ដែលបានកាត់ចេញពីការមេរ៉ាសុវត្ថិភាពរថយន្ដ ខណ:ដែលលោកកំពុងបើកបរនៅលើដងវិថី ស្រាប់តែប្រទះឃើញខ្មោចស្រីលេចមុខមក ហើយបានបាត់ខ្លួនចវិញមួយរំពេចភ្លាមៗតែម្ដង នៅពេលដែលលោកព្យាយាមចតរថយន្ដឈប់មើល ។

នៅថ្ងៃទី ២៧ ខែមេសា ឆ្នាំ២០១៧ តារាចម្រៀងខាងលើបាននិយាយរៀបរាប់បប្រាប់សារព័ត៌មាន khaosod ថា ” បង្ហោះឲ្យជួយមើលបាទ ហើយក៏សួរគេច្រើនហើយដែរ គឺនាងរំលេចខ្លួនចេញមកភ្លាមៗ គ្រាន់តែនាងដើរកាត់មុខរថយន្ដខ្ញុំហើយ ងាយទៅមើលវិញក៏បាត់ភ្លាមៗ ” ។

គួរបញ្ជាក់ផងដែរថា នេះមិនមែនជាឃ្លីបកាត់តទេ គឺតារាចម្រៀងរូបនេះបានកាត់យកចេញពីការមេរ៉ាសុវត្ថិភាពរថយន្ដពិត លោកថា លោកពិតជាមិនដែលប្រទះឃើញខ្មោចលងបែបនេះពីមុនឡើយ ។ ដើម្បីឲ្យកាន់តែជ្រាបច្បាស់សូមទស្សនាវីដេអូឃ្លីប ខាងក្រោមនេះ ហើយសូមប្រើវិចារណញ្ញាណក្នុងការទស្សនា ៕