ព័ត៌មានជាតិ

ឃាត់ខ្លួនអ្នកប្រដាល់ម្នាក់ និងបក្ខពួកម្នាក់ទៀត ក្រោយឆក់កាបូបពីស្ត្រីម្នាក់មិនសម្រេច

ភ្នំពេញ: ជនសង្ស័យ២នាក់ ត្រូវបានសមត្ថកិច្ចឃាត់ខ្លួន បន្ទាប់ពីធ្វើសកម្មភាពឆក់កាបូបពីស្រ្តីម្នាក់មិនបានសម្រេច។

ហេតុការណ៍នេះបានកើតឡើងកាលពីវេលាម៉ោង៨យប់ ថ្ងៃទី២៦ ខែមេសា ឆ្នាំ២០១៧ នៅចំណុចផ្លូវលេខ៤៣០កែង១៩៩ ភូមិ៤ សង្កាត់ទំនប់ទឹក ខណ្ឌចម្ការមន រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យទី១មានឈ្មោះ ខេន ឌីណា ភេទប្រុស អាយុ១៩ឆ្នាំ ស្នាក់នៅ ផ្ទះគ្មានលេខ ផ្លូវបេតុង សង្កាត់ព្រែកប្រា ខណ្ឌច្បារអំពៅ មុខរបរ អ្នកប្រដាល់ និងទី២មានឈ្មោះ ឡា សុខឡេង ភេទប្រុស អាយុ១៥ឆ្នាំ ស្នាក់នៅផ្ទះជួល ផ្លូវលំ សង្កាត់កាកាប ខណ្ឌពោធិ៍សែនជ័យ មុខរបរ កម្មករ។ ក្នុងនោះដកហូតបាន ម៉ូតូ១គ្រឿងម៉ាកនិច ពណ៌ស ពាក់ស្លាកលេខ ភ្នំពេញ1BP-7230។ ចំណែកជនរងគ្រោះ ភេទស្រី មិនស្គាល់ឈ្មោះក្រោយពីកើតហេតុជិះម៉ូតូចេញទៅបាត់។

បច្ចុប្បន្ន ជនសង្ស័យ ត្រូវសមត្ថកិច្ចឃុំខ្លួនជាបណ្តោះអាសន្ន ធ្វើការសាកសួរ និងកសាងសំណុំរឿង បញ្ជូនទៅកាន់តុលាការ ចាត់ការតាមនីតិវិធីច្បាប់៕

មតិយោបល់