ផ្ទះ ព័ត៌មានសិល្បៈ និងកម្សាន្ត ស្វែង សុជាតា ...

ស្វែង សុជាតា ហាត់បាញ់កាំភ្លើង និងក្បាច់គុន ក្រោយរងហិង្សា

0

ក្នុងបទសម្ភាសន៍ជាវីដេអូឃ្លីប ដែលត្រូវ គេដឹងថាបានផលិតឡើង ក្រោយពីរង ហិង្សាក្រោមដៃក្មេងជាគ្រូឱសថបុរាណ អ្នកនាង ស្វែង សុជាតា និយាយថាអ្នក នាងនឹងក្រោកឈរឡើង មិនដួលដូច មុនទៀតទេ បើទោះជាអ្នក នាងទទួល រងនូវការវាយប្រហារទាំងផ្លូវកាយ និងផ្លូវចិត្តម្ដងជាពីរដង។

អ្នកនាងស្វែង សុជាតា និយាយថា អ្នកនាងក្រៅពីពង្រឹងជំហរឈប់យំ និងឈប់ខូចចិត្ត អ្នកនាងក៍នឹងទៅហាត់ដឹកនាំរឿងជាមួយផលិតករកូរ៉េ និងត្រៀមខ្លួនជាច្រើនទៀតដើម្បីធ្វើកែប្រែមុខមាត់ថ្មី។ អ្នកនាងថាខ្លួននឹងទៅហាត់ក្បាច់គុណ ហាត់ល្បុកត្តោ និងហាត់បាញ់កាំភ្លើងជាដើម ដើម្បីទាក់ទាញការសម្ដែងរឿងលើកក្រោយរបស់ហូលីវូដ បន្ទាប់ពីជោគជ័យក្នុងរឿងហូលីវូដ ជាមួយអ្នកនាងអេនជីលីណាជូលី។ អ្នកនាងថាខ្លួននឹងធ្វើដើម្បីកូនទាំងបី និងដើម្បីកុំឲ្យស្វាមីក្មេងរបស់អ្នកនាង មាក់ងាយថាអ្នកនាងជាមនុស្សទន់ជ្រាយ ក្រោយពេលគេធ្វើឲ្យអ្នកនាងឈឺចាប់។

មកទល់ពេលនេះគេចាប់អារម្មណ៍ថា វីដេអូនិយាយពីការឈឺចាប់របស់អ្នកនាង មានការចែកចាយ និងចូលទស្សនាកាន់តែច្រើន ដោយសារវីដេអូនេះ ស្ដែងពីស្ថានភាពផ្លូវចិត្តរបស់អ្នកនាងក្រោយរងហិង្សា។

មតិយោបល់