ខុសពីតារាល្បីឈ្មោះភាគច្រើន ដែលបាត់ទូរសព្ទរមែងភ័យបារម្ភខ្លាចអ្នករើសបានទូរសព្ទទម្លាយចេញនូវរូបភាពឯកជន ឬឯកសារឆាតណាមួយជាសាធារណៈធ្វើឲ្យខ្លួនខ្មាស់គេ។ ចំណែកតារាចម្រៀងល្បីឈ្មោះនាងពេជ្រ សោភា បែរជាសរសេរបង្ហោះថាសប្បាយចិត្ត និងចាត់ទុកថាជាកាត់គ្រោះទៅវិញ។

នាងអះអាងថាខ្លួនបានបាត់ទូរសព្ទទំនើបប្រភេទ Oppo F1s កាលពីយប់ថ្ងៃទី២៣ មិថុនា ប៉ុន្តែមិនបានបញ្ជាក់ពីមូលហេតុ និងទីតាំងដែលបានបាត់នោះទេ។ យ៉ាងណាមិញ នាងថាអ្នកយកទូរសព្ទរបស់នាងគឺបានដឹងថាវាជារបស់យើង ប៉ុន្តែមកពីគេចង់បានទើបមិនមានការប្រគល់ឲ្យវិញ។

ពេជ្រ សោភាបានឆ្លើយតបនឹងការអ្នកគាំទ្រ នាងបាត់ទូរសព្ទ តែនាងអត់មានអារម្មណ៍ខ្វល់ចិត្តនោះទេដែលនេះបង្ហាញយ៉ាងច្បាស់ថានឹងក្រៅពីមិនភ័យរឿងមានរូបភាពឯកជនណាមួយ ដែលអាចទម្លាយចេញក្រោយពីទូរសព្ទរបស់នាងត្រូវធ្លាក់ក្នុងដៃអ្នកដទៃ នាងក៏បានឌឺដល់អ្នកលួចឲ្យបានដឹងថាការយកបានទូរសព្ទរបស់នាងគឺមិនខុសពីកាត់ស៊យរបស់នាងដែលកំពុងនឹងកើតមាន ឬបម្រុងនឹងកើតមាននោះផង។

អ្នកគាំទ្រនាងមួយចំនួនបានជូនពរឲ្យនាងហេងហេងក្រោយពីត្រូវគេយកទូរសព្ទ តែអ្នកខ្លះក៏បានសរសេរថាដូចជាកាត់ស៊យច្រើនពេកហើយ ដែលមានអាចមានន័យថានេះមិនមែនជាការបង់ខាតលើកទី១របស់នាងនោះទេ៕