បរទេស: ក្រោយច្រៀងចម្រៀង ២បទ កាលពីយប់ថ្ងៃទី២២ ឧសភា ក្នុងព្រឹត្តិការណ៍ Billboard Music Award តារាព្រាននារី Justin Bieber បានក្រឡុកកម្មវិធីទាំងមូល ឱ្យជ្រួលច្របល់ ស្ទើរក្រឡាប់ចក្រ ខណៈនាយ លើកពានក្លែងក្លាយលើឆាកតន្ត្រី បង្ហាញចំពោះមុខទស្សនិកជន ធ្វើឱ្យប្រិយមិត្តអ្នកគាំទ្រខកចិត្តស្តូក។ យោងតាមគេហទំព័របរទេស បានចុះផ្សាយ ម្សិលមិញនេះ។

បន្ទាប់ពេល រងការរិះគន់ យ៉ាងដំណំ តារាចម្រៀងផ្លេប៊យ Justin Bieber បានបង្ហោះសារសុំទោស ក្នុងន័យសោយស្តាយថា៖ សុំអភ័យទោស ចំពោះសកម្មភាពមិនសហការ ក្នុងកម្មវិធី Billboard Music Award នារាត្រីម្សិលម្ងៃនោះ។ ប៉ុន្តែទន្ទឹមនឹងហ្នឹង នាយ ព្រលយសម្តីបែបផ្គើនថា ” ខ្ញុំអត់ដឹងថា Award តម្រូវឱ្យយកពានចូលរួម ព្រោះគ្មាននរណាប្រាប់ ចឹងឱ្យខ្ញុំធ្វើយ៉ាងណា? តែទោះជាយ៉ាងណា ខ្ញុំសូមអគុណ ចំពោះប្រិយមិត្ត ដែលនៅបន្តគាំទ្ររហូតមក “។ ចុងក្រោយ នាយ Justin Bieber ហាក់សម្តែងក្តីខកបំណង លើការរៀបចំព្រឹត្តិការណ៍ Award លើហ្នឹង ផងដែរ៕