កាលពីយប់ថ្ងៃ១០ កក្កដា មុននេះ តារាកំប្លែងមុខមាត់ចម្លែក នាយចយ និងគូស្នេហ៍ជាស្រីស្អាតកាន់តែបង្ហាញពីភាពរឹងមាំនៃចំណងស្នេហ៍ តាមរយៈពិធីខួបកំណើតរបស់នាង។ លោកបានកាន់នំធ្វើខួបឲ្យគូស្នេហ៍ ធ្វើឲ្យនាងរំភើបចិត្តយ៉ាងខ្លាំង។ អ្នកទាំង២ក៏បង្ហាញភាពស្អិតរមួតដាក់គ្នា ធ្វើឲ្យអ្នកឃើញច្រណែននឹងនាយចយផងដែរ ជាពិសេសក្នុងពេលដែលគូស្នេហ៍របស់លោកបានបង្ហោះសរសើរពីលោកក្រោយពិធីខួបកំណើត។

កញ្ញា ខ្វាន់ឌី ដែលជាគូស្នេហ៍របស់នាយចយ បានបង្ហាញពីអារម្មណ៍រំភើបយ៉ាងខ្លាំង បន្ទាប់ពីបាននាយចយយកនំខួបកំណើតឲ្យនាងភ្លុំ ដោយនាងបានទាំងចាត់ទុកថានាយចយគឺជាបុរសជិះសេះសដែលធ្វើឲ្យជីវិតផ្លូវចិត្តរបស់នាងមានសុភមង្គលនោះផង។ នាងកាន់តែបង្ហាញក្ដីស្រលាញ់ចំពោះនាយចយ ដែលធ្វើគេមើលឃើញពីសំណាងរបស់នាយចយក្នុងជីវិតស្នេហា។

យ៉ាងណាមិញកញ្ញា ក្វាន់ឌី នៅមិនទាន់ប្រកាសដោយបើកចំហរថានឹងសម្រេចរៀបការជាមួយនាយចយនៅពេលណានោះទេ ក្រៅពីបានបង្ហោះលើហ្វេសប៊ុកថា នាង និងនាយ ភ្ជាប់ពាក្យ ភ្ជាប់សម្ដី ចងចិត្តនឹងគ្នារួចហើយ បើទោះជាពិធីភ្ជាប់ពាក្យនោះអាចគ្រាន់តែជាដឹងឮពីសំណាក់ចាស់ទុំ។

នាងបញ្ជាក់ថា ទោះអ្នកណាថានាយចយមុខមាត់ដូចម្ដេច ក៏នាងស្រឡាញ់ខ្លាំង និងមិនបែកចិត្តទៅណានោះដែរ ដោយសុខចិត្តកាន់ដៃរបស់លោកសម្រាប់ជីវិតនោះផង ទើបនាងរមែងបង្ហោះពីភាពផ្អែមផ្លែមរបស់ខ្លួន និងនាយចយសឹងនឹងគ្រប់ពេលវេលា។ សម្រាប់នាយចយវិញ ក៏ញញឹមបិទមាត់មិនជិតណាស់ដែរ ដែលមានសង្សារស្អាត ហើយស្រឡាញ់លោកដោយមិនប្រកាន់បែបនេះ៕

https://youtu.be/c5ldZWgMBPc