ផ្អែកតាមទីផ្សារសិល្ប:បច្ចុប្បន្នគេកត់សម្គាល់ថា តារាចម្រៀងវ័យក្មេង នាង ទេព បូព្រឹក្ស ទទួលបានទីផ្សារគាំទ្រខ្លាំងជាង តារាចម្រៀងចាស់វស្សា អ្នកនាង យក់ ឋិតរដ្ឋា។ យ៉ាងណាមិញ ក្នុងពេលអ្នកនាង យក់ ឋិតរដ្ឋា ស្ថិតនៅលំដាប់កំពូលក្នុងពិភពចម្រៀង ទេព បូព្រឹក្ស គ្រាន់តែជាអ្នកគាំទ្រផ្កាប់មុខមួយរូប ដែលចូលចិត្តស្ទីល និងទឹកដមសំលេងរបស់អ្នកនាងប៉ុណ្ណោះ។

កញ្ញា ទេព បូព្រឹក្ស បានបង្ហោះរូបថតកាលពីអតីតមួយសន្លឹកបង្ហាញថា កញ្ញា កាលពីមុនគ្រាន់តែជាអ្នកគាំទ្ររបស់ យក់ ឋិតរដ្ឋា ប៉ុណ្ណោះ ទើបម្នាក់ៗមានការចាប់អារម្មណ៍គួរសម ដែលនាងគ្រាន់ជាអ្នកគាំទ្រម្នាក់យ៉ាងផ្កាប់មុខរបស់ យក់ ឋិតរដ្ឋា តែបែរជាបានឈរនៅចំណុចទន្ទឹមគ្នាក្នុងពិភពសិល្ប: ហើយថែមទាំងមានប្រជាប្រិយភាពនាំមុខ Idol របស់ខ្លួនទៅទៀតនាពេលចុងក្រោយ។ បទចម្រៀង និងក្បាច់រាំយ៉ាងរស់រវើក បានជួយឲ្យទេព បូព្រឹក្ស ក្លាយជាតារាល្បីរះខ្ពស់ត្រដែត ក្នុងពេលដែលអ្នកនាង យក់ ឋិតរដ្ឋា ត្រូវគេកត់សម្គាល់ថាថមថយការគាំទ្រ បើធៀបនឹងអំឡុងឆ្នាំ២០០៥ ដោយសារតែវត្តមានតារាថ្មី។ យ៉ាងណាមិញ អ្នកនាងតែជាតារាចម្រៀងល្បីម្នាក់ ក្រោយពីបានហក់ចូលផលិតកម្មថោន បើទោះបទចម្រៀងរបស់អ្នកនាងមានតួលេខផ្ទុះៗចាញ់ទេព បូព្រឹក្ស ដែលក្រសោបបានអ្នកគាំទ្រច្រើនជាងនាពេលនេះ។ ប៉ុន្តែគេកត់សម្គាល់ថា ទេព បូព្រឹក្ស មិនទាន់ឈានឡើងជាកំពូលតារាចម្រៀង ដូចអ្នកនាង យក់ ឋិតរដ្ឋា នៅឡើយទេ ទើបក្រោយការប្រកាសថា កាលពីមុន ទេព បូព្រឹក្ស គ្រាន់តែជាអ្នកគាំទ្ររបស់ អ្នកនាង យក់ ឋិតរដ្ឋា នៅតែចាត់ទុកថា ទេព បូព្រឹក្ស នៅតែចាញ់ Idol របស់នាង បើទោះជាអ្នកទាំងពីឈរក្នុងជួរជាតារាល្បីដូចគ្នា ក្នុងពិភពចម្រៀង៕