ព័ត៌មានសិល្បៈ និងកម្សាន្ត

មានវីដេអូ៖ កែវ សារ៉ាត់ ចាប់ជាតិ វ៉ាដាច់ The Voice Kid ពេជ្រ ថៃ!

ក្រោយការបង្ហាញខ្លួនរបស់បេក្ខភាព The Voice Kid ពេជ្រ ថៃ គេមានការកោតសរសើរយ៉ាងខ្លាំងថាកុមារតូចរូបមានសមត្ថភាពអស្ចារ្យដោយត្រូវគេលើកថាជាកវីតូច ព្រោះតែទឹកដមសំឡេង និងភាពវ៉ៃឆ្លាតនោះផង។ ប៉ុន្តែក្នុងពេលដែលក្មេងប្រុសនេះកាន់តែទទួលបានការចាប់អារម្មណ៍ ក៏បានលេចឡើងក្មេងប្រុសវ័យ១២ឆ្នាំម្នាក់ទៀត គឺកុមារា ធឿន បូរី ដែលត្រូវគេកត់សម្គាល់ថាមានសំឡេងល្អវ៉ាដាច់ពេជ្រ ថៃ តែម្ដង ត្រូវបានមហាជនងាកមកចាប់អារម្មណ៍ជំនួសវិញ។

ក្មេងប្រុសដែលត្រូវគេអះអាងថាមានទឹកដមសំឡេងងវ៉ាដាច់កុមារា ពេជ្រ ថៃ ដែលជាបេក្ខភាព The Voice Kid ដែលជាបេក្ខជនលេចធ្លោរជាងនេះគឺត្រូវគេអះអាងថាមានវ័យ១២ឆ្នាំដូចគ្នានឹងពេជ្រ ថៃដែរ ប៉ុន្តែប្អូនជាមានស្រុកកំណើតនៅខេត្តបាត់ដំបង ហើយទឹកដមសំលេងគឺត្រូវគេអះអាងថាពីរោះមិនធម្មតា។

ក្រោយការបកស្រាយចម្រៀង៣បទរបស់ប្អូន ហើយបង្ហោះនៅលើហ្វេសប៊ុក គ្មានអ្នកណាមិនសរសើរនោះទេថាប្អូនមានសំឡេងពីរោះជាងកុមារាថៃ ពេជ្រ ហើយក៏មានអ្នកសោកស្ដាយមិនតិចដែរដែលប្អូនមិនត្រូវបានគេជ្រោមជ្រែងឲ្យចូលប្រលងក្នុងកម្មវិធី The Voice Kid ដូចគ្នានឹងពេជ្រ ថៃ។

យ៉ាងណាមិញ កុមារា ធឿន បូរី ត្រូវគេដឹងថាធ្លាប់បានឡើងប្រលងក្នុងកម្មវិធី Kodomo និងធ្លាប់បានច្រៀងនៅតាមរោងការច្រើនលើកមកហើយ ដោយប្អូនក៏ត្រូវបានគេសរសើរថាច្រៀងអឺនបានពីរោះមិនខុសពីតុងសំឡេងរបស់មនុស្សធំនោះទេ។
អ្នកលេងហ្វេសប៊ុកបានផ្ដល់រហស្សនាមឲ្យប្អូនថា ជាតារាចម្រៀង កែវ សារ៉ាត់ ចាប់ជាតិនោះផង ដោយសារតែលក្ខណ:ពិសេសរបស់ប្អូនអាចច្រៀងបទរបស់លោក កែវ សារ៉ាត់បានល្អ ហើយចេះអឺនគ្រប់ប្រភេទបទមិនធម្មតា។

ជាមួយនឹងការចាប់អារម្មណ៍ចំពោះ ធឿន បូរី នេះទើបគេឃើញកុមារា ពេជ្រ ថៃ ត្រូវគេបន្ថយការសរសើរដូចមុន ដោយម្នាក់ៗបន្តលើកឡើងកាន់តែច្រើនថា កុមារាពេជ្រ ថៃ ដែលល្បីសូម្បីតែប្រលងមិនទាន់ចប់នៅក្នុងកម្មវិធី The Voice Kid គឺសំឡេងមិនអាចមកផ្ទឹមនឹងសំឡេងរបស់កុមារាវ័យ១២ឆ្នាំដូចគ្នា ធឿន បូរី នៅក្នុងពេលនេះឡើយ។

យ៉ាងណាក៏ដោយ ម្នាក់ៗក៏បន្តថាបើគ្មានវត្តមានលេចធ្លោរបស់ពេជ្រ ថៃ ក៏ប្រហែលជាសមត្ថភាពរបស់កុមារា ធឿន បូរី មិនត្រូវបានគេយកមកប្រដូចរហូតដល់ថ្នាក់ល្បីៗនៅក្នុងហ្វេសប៊ុកនាពេលនេះដែរ៕

មតិយោបល់