ព័ត៌មានសិល្បៈ និងកម្សាន្ត

មិនគួរជឿ! ករណី ពេជ្រ ចរណៃ ពេទ្យថៃបើកកិច្ចប្រជុំ២ថ្ងៃ ចុងក្រោយយល់ព្រម….

នៅថ្ងៃព្រហស្បតិ៍ទី៧ ធ្នូនេះ តារាសម្ដែងកញ្ញា ពេជ្រ ចរណៃ នឹងសម្រេចចិត្តចូលវះកាត់ព្យាបាលជំងឺដាច់សរសៃប្រើសបេះដូង និងប្រហោងបេះដូងជាផ្លូវការហើយនៅក្នុងមន្ទីរពេទ្យថៃ បន្ទាប់ពីខាងពេទ្យថៃដែលមានអ្នកបកប្រែខ្មែរតាមជួយយកអាសារបានបើកកិច្ចប្រជុំច្រើនម៉ោងរហូតដល់២ថ្ងៃ ដោយកិច្ចប្រជុំនោះចុងក្រោយគឺបានសម្រេចចិត្តទទួលវះកាត់ឲ្យនាង បើទោះជាក្នុងពេលនេះគឺនាងមិនមានលុយធ្វើការចំណាយនៅឡើយ។ យោងតាមកិច្ចប្រជុំក្រុមគ្រូពេទ្យថៃបានសម្រេចឲ្យពេជ្រ ចរណៃ តម្កល់ត្រឹមតែទឹកប្រាក់មួយចំនួនប៉ុណ្ណោះ ដោយយល់ព្រមឲ្យនាងបន្តរកលុយមកសងនៅពេលជាដើម្បីសង្គ្រោះជីវិតរបស់នាង។ នេះជាក៏ជាលក្ខណ្ឌក៏កម្រដែលខាងមន្ទីរពេទ្យរបស់ប្រទេសថៃផ្ដល់ឲ្យអ្នកជំងឺនោះដែរ ជាពិសេសគឺអ្នកជំងឺជាជនជាតិខ្មែរដែលឡើងទៅសុំការសង្គ្រោះ។

កញ្ញាពេជ្រ ចរណៃ បានថ្លែងពីទីក្រុងបាងកកកាលពីព្រឹកថ្ងៃទី៦ ធ្នូថា កញ្ញាទទួលបានសិទ្ធិធ្វើការវះកាត់នៅក្នុងមន្ទីរពេទ្យបេះដូងល្បីឈ្មោះមួយរបស់ប្រទេសថៃហើយ ដោយខាងមន្ទីរពេទ្យសម្រេចវះកាត់នាងនៅថ្ងៃព្រហស្បតិ៍ទី៧ ធ្នូនេះ ដោយបានទាំងធានាមួយជានោះផង។ នាងថាក្រោមការជ្រោមជ្រែងរបស់សប្បុរសជនជាជាតិខ្មែរម្នាក់ ពេទ្យថៃបានយល់ព្រមពិចារណាលើស្ថានភាពខ្វះខាតរបស់នាង ដោយក្រៅពីយល់ព្រមបញ្ចុះតម្លៃពី៤ម៉ឺនដុល្លារមកនៅត្រឹមតែ១៨០០០ដុល្លារក្នុងការវះកាត់មួយជា ក៏យល់ព្រមឲ្យនាងជំពាក់ថ្លៃវះកាត់តាមការស្នើសុំផងដែរ។

កញ្ញាថារំភើបចិត្តណាស់ដែលមានដឹកនាំអ្នកជំងឺជាជនជាតិខ្មែរម្នាក់ដែលមានទំនាក់ទំនងជាមួយអ្នកជំនាញនៅក្នុងមន្ទីរពេទ្យជួយអន្តរាគមន៍ ហើយធ្វើឲ្យនាងទទួលបានលក្ខណ្ឌយ៉ាងកម្របើធៀបនឹងអ្នកជំងឺផ្សេងទៀត ដែលលុះត្រាតែមានលុយគ្រប់ទើបអាចធ្វើការវះកាត់សង្គ្រោះជីវិតបាន។ នាងថាពេទ្យថៃសុខចិត្តឲ្យនាងរកលុយតែមួយចំនួនមកតម្កល់ប៉ុណ្ណោះ ហើយក្រោយការវះកាត់ទើបតម្រូវឲ្យនាងរកលុយមកបង់ឲ្យគ្រប់១៨០០០ដុល្លារដែលបានបញ្ចុះជូន។ បើទោះជាក្នុងពេលនេះ នាងមិនទាន់ដឹងថាថវិកាដែលត្រូវរកនោះតើរកបានដោយពិធីណា ប៉ុន្តែនាងថានេះក៏ជាឱកាសរស់មួយដែលអាចឲ្យនាងស្វែងរកលុយកាក់ដើម្បីយកឲ្យថ្លៃពេទ្យក្រោយការវះកាត់ជានោះដែរ។ យ៉ាងណាមិញ នាងថាខាងពេទ្យថៃសម្រេចទុកពេលឲ្យនាងជំពាក់ក្រោយការវះកាត់ត្រឹមតែ៣អាទិត្យ ទៅ១ខែប៉ុណ្ណោះ ទើបនាងនៅតែភ័យដដែល បើទោះជាបានទទួលការវះកាត់បានជា។

អ្នកស្រី ថន មុំ ជាជនជាតិខ្មែរដែលមាននាទីដឹកនាំអ្នកជំងឺជាជនជាតិខ្មែរចូលព្យាបាលនៅក្នុងមន្ទីរពេទ្យធំៗនៅក្នុងប្រទេស និងជាម្ចាស់ក្រុមហ៊ុនទេសចរណ៍ប្រចាំប្រទេសថៃដែលជាអ្នកអន្តរាគមន៍ជួយដល់កញ្ញាពេជ្រ ចរណៃ បានអះអាងថា ដោយសារតែបានឃើញពីការបង្ហោះយ៉ាងសង្វេគរបស់បណ្ដាញសារព័ត៌មាននៅកម្ពុជា ពីកញ្ញាពេជ្រ ចរណៃ ទើបអ្នកស្រីសម្រេចចិត្តជួយសុំអង្វរដល់ខាងប្រធានពេទ្យថៃ ហើយដោយសារតែអ្នកស្រី និងខាងមន្ទីរពេទ្យនេះក៏មានទំនាក់ទំនងជាមួយគ្នាជាយូរមកហើយ ទើបថ្លៃវះកាត់ត្រូវបានបញ្ចុះពីជិត២លានបាតមកនៅត្រឹម៦៥ម៉ឺនបាត ដែលគិតជាប្រាក់ដុល្លារស្មើនឹងជិត២ម៉ឺនដុល្លារ។ ក្នុងចំនួនដែលបានបញ្ចុះនេះ អ្នកនាងក៏ជួយថវិកាផ្ទាល់ខ្លួនដល់កញ្ញាពេជ្រ ចរណៃ ចំនួន៥ម៉ឺនបាតផងដែរ ដោយបានចេញមុខធានាកញ្ញាពេជ្រ ចរណៃ ដើម្បីឲ្យកញ្ញាបានជំពាក់ថ្លៃវះកាត់ក្រោយការវះកាត់។

អ្នកស្រីថា កញ្ញាពេជ្រ ចរណៃ ត្រូវបានអ្នកស្រីអង្វរប្រធានពេទ្យថៃយ៉ាងទទូចបំផុត ហើយអ្នកស្រីក៏សូមអរគុណដល់ខាងមន្ទីរពេទ្យផងដែរ ដែលបានយល់យោគពីស្ថានភាពរបស់នាង ហើយបានបើកកិច្ចប្រជុំរហូតដល់២ថ្ងៃ ទម្រាំយល់ព្រមបញ្ចុះតម្លៃពីជិត៤ម៉ឺនដុល្លារមកត្រឹម១៨០០០ដុល្លារ ហើថែមទាំងយល់ព្រមឲ្យពេជ្រ ចរណៃ យកលុយមកសងតាមក្រោយ។ អ្នកស្រីថាខ្លួនក្រៅពីជូនកញ្ញា ពេជ្រ ចរណៃ ទៅកាន់ពេទ្យជំនាញដោយមិនទទួលកម្រៃ ក៏សម្រេចចិត្តជួយនាងថ្លៃពេទ្យ៥ម៉ឺន និងចេញមុខយកលុយមកតម្កល់តាមចំនួនដែលពេទ្យថៃបានតម្រូវផងដែរ ដើម្បីឲ្យនាងបានទទួលការវះកាត់ដោយជោគជ័យនៅថ្ងៃទី៧ ធ្នូនេះ។

យ៉ាងណាមិញ អ្នកស្រីថា កញ្ញាពេជ្រ ចរណៃ គឺជាអ្នកជំងឺជាជនជាតិកម្ពុជាទី១ ដែលអ្នកស្រីអាចស្នើសុំក្នុងលក្ខណ្ឌនោះផង ដើម្បីឲ្យនាងបានទទួលការវះកាត់ ហើយទុកពេលឲ្យនាងស្វែងរកសប្បុរសជនមកជួយតាមក្រោយ៕

មតិយោបល់