អង់គ្លេស: ប្តីមានកំហឹងម្នាក់ ជ្រើសរើសវិធីសងសឹកនឹងប្រពន្ធក្បត់ចិត្ត ដោយការយករបស់រប ទាំងអស់របស់ប្រពន្ធ ទៅដាក់លក់នៅលើទីផ្សារអនឡាញ eBay ហើយសូមបីតែស្បែកជើងក៏មិនលើកលែង។

បុរសដែលគេមិនស្គាល់ឈ្មោះម្នាក់នោះ បានដាក់ រថយន្តទំនើប១គ្រឿង សម្លៀកបំពាក់ជាច្រើន និងស្បែកជើងទាំងអស់ របស់ប្រពន្ធ លក់នៅលើទីផ្សាអនឡាញ eBay ក្រោយពេលប្រពន្ធរត់តាមប្រុសបាត់។

បុរសនោះបានបញ្ជាក់ថា ប្រពន្ធរបស់គាត់បានរត់តាមប្រុសម្នាក់មុខស្រដៀង តារាកំប្លែង Beppe មកពី Eastenders ហើយការប្រមូលរបស់រប ដែលជាកម្មសិទ្ធរបស់ប្រពន្ធទាំងអស់ មកដាក់លក់នៅលើ គេហទំព័រ eBay ដោយប្រើឈ្មោះ Calibristeveនេះ ក្នុងគោលបំណង់ដើម្បីសងសឹកប្រពន្ធក្បត់ចិត្ត៕