ព័ត៌មានសិល្បៈ និងកម្សាន្ត

មូលហេតុដែល សៅ ឧត្តម មិនព្រមជ្រកក្នុងផលិតកម្មណាមួយ

ភ្នំពេញ: អតីតបេក្ខជនកម្មវិធី Cambodian Idol បានធ្វើការអះអាងថា បច្ចុប្បន្ននេះ លោកពុំមានទ្រនំច្រៀងនោះទេ ដោយសម្ងំផលិតបទចម្រៀង Original Song ដោយខ្លួនឯង វាស្រួលចិត្តស្រួលថ្លើមជាងមានទ្រនំជ្រកកោន។

ថ្លែងប្រាប់អ្នកយកព័ត៌មានរបស់ Post News កាលពីល្ងាចថ្ងៃទី២៨ ខែមិថុនា ឆ្នាំ២០១៦ លោក សៅ ឧត្តម ឲ្យដឹងថា ក្រោយបញ្ចប់កម្មវិធី Cambodian Idol ទៅលោកអត់មានទ្រនំជ្រកកោននោះទេ ដោយលោកសូមច្រៀងជាលក្ខណ:ឯករាជ្យ ហើយក៏មិនចង់ចូលផលិតកម្មណាមួយដែរ ។

សៅ ឧត្តម ថា«ខ្ញុំមិនចូលផលិតកម្មណាមួយនោះទេ ព្រោះថាច្បាប់ក្នុងផលិតកម្ម មើលទៅវាពិបាក និងស៊ាំញ៉ាំ ខ្លាំងណាស់ ចឹងហើយខ្ញុំ សុខ ចិត្ត ច្រៀងជាលក្ខណ:ឯកជនប្រសើរជាង» ។

តារាចម្រៀងខ្មៅស្រអែម ខ្ពស់ស្រឡះ រាងសង្ហារ បានអះអាងផងដែរថា បើយើងក្រឡេកទៅមើល ប្រទេសជិតខាង ជាពិសេស បេក្ខជន ដែលចេញពី កម្មវិធីលំដាប់ពិភពលោក គេតែងតែច្រៀងជាលក្ខណ:ឯករាជ្យ ចឹងហើយអាចនិយាយបានថា លោកអាចយកស្តាយ៍តាមគេក៏ថាបានដែរ ទាំងស៊េរីភាព ស្រួលចិត្ត និង ស្រួលថ្លើម។

គួរបញ្ជាក់ផងដែរថា សៅ ឧត្តម និងបញ្ចេញបទចម្រៀង មួយបទរបស់ខ្លួន Original Song នៅខាងមុខ ក្រោមចំណងជើងថា «ម្នាក់នេះ ឬម្នាក់នោះ»៕

មតិយោបល់