Post News Media ព័ត៌មានសិល្បៈ និងកម្សាន្ត លាន់មាត់ ពេលដ...

លាន់មាត់ ពេលដឹងថា ឈួន សុវណ្ណឆៃ ដឹកនាំសម្ដែងខ្លួនឯង

ក្នុងបទចម្រៀង “រាំរាល់រាត្រី” ដែលអ្នកនាងឈួន សុវណ្ណឆៃ ទើបតែបានដាក់បង្ហោះ និងបកស្រាយខ្លួនឯង ម្នាក់ៗ ចាប់អារម្មណ៍ថា ក្នុងបទចម្រៀងមានសាច់រឿងល្អ និងមានស្ទីលសម្ដែងយ៉ាងទាក់ភ្នែកតែម្ដង។ អ្វីដែលគេកាន់តែលាន់មាត់ គឺនៅពេលដឹងថា បទចម្រៀងមួយបទនេះ ជាស្នាដៃដឹងនាំសម្ដែងដោយផ្ទាល់របស់អ្នកនាង ដែលខុសពីតារាចម្រៀងភាគច្រើន គឺរង់ចាំអ្នកដឹកផលិតសាច់រឿង និងឈរដឹកឲ្យ។

អ្នកនាង ឈួន សុវណ្ណឆៃ បានថ្លែងបញ្ជាក់ថា អ្នកនាងនឹងបន្តថែរក្សាបទចម្រៀងប្រភេទមរតកដើមឲ្យនៅតែរស់រវើក តាមរយ:ការថតច្រៀងសារឡើងវិញ ហើយផលិតជាសាច់រឿងថ្មី។ អ្នកនាងកាន់តែអ្វើឲ្យគេចាប់អារម្មណ៍ដោយសារតែ ក្នុងបទនោះ អ្នកនាងបានទាំងអូសថៅកែភោជនីដ្ឋានយ៉ង់ពៅ ដែលជាអតីតអ្នកនិពន្ធបាត់មុខមួយរូប ឲ្យត្រលប់មកសម្ដែងធ្វើជាតួប្រុសជាមួយអ្នកនាង។ អ្នកនាងបញ្ជាក់ថា បទចម្រៀងក្រោយៗ ដែលអ្នកនាងបានផលិត អ្នកនាងគឺជាអ្នករៀបរៀងសាច់រឿងដោយខ្លួនឯងផង និងចេញដឹកប្លង់ ដោយផ្ទាល់ខ្លួនផង ខណ:ដែលក្នុងចំណោមបទចម្រៀងទាំងអស់ ដែលអ្នកនាងបានច្រៀង និងដឹកនាំសម្ដែងដោយផ្ទាល់ គឺបទ«ចាំរាល់រាត្រី» ដែលទើបតែចេញ MV អ្នកនាងស្រឡាញ់ពេញចិត្តស្នាដៃនេះជាងគេ។ អ្នកនាងថា MV បទនេះ មិនត្រឹមតែកំប្លុកកំប្លែងនោះទេ ប៉ុន្តែក៏ត្រូវបានអញ្ជើញរៀមច្បងផ្នែកផលិតចម្រៀងជើងចាស់ គឺលោក យ៉ង់ ពៅ ដែលបានក្លាយជាថៅកែហាងទៅហើយ ឲ្យមកសម្ដែង ជាមួយដើម្បីបង្កើតជាអនុស្សាវរីយផងដែរ។

អ្នកនាងប្រកាសថា ដោយសារតែមានបទចម្រៀងជាហូរហែរបែបនេះ គឺមានខាងផលិតមួយចំនួន ចង់ឲ្យអ្នកនាងកុងត្រា ធ្វើជាតារាចម្រៀងជាថ្នូរនឹងការដាក់បទរបស់អ្នកនាងក្រោមឈ្មោះរបស់ផលិតកម្មនោះ ប៉ុន្តែអ្នកនាងមិនចាប់អារម្មណ៍។ អ្នកនាងថា ខ្លួនមិនចង់កុងត្រា ជាមួយផលិតកម្មណាទេ នៅក្នុងកាល:ទេស:ដែលអ្នកនាង ក៏មមាញឹកគ្មានពេលបំពេញការងារផលិតកម្មបានច្បាស់លាស់បែបនេះ ដោយសុខចិត្តស្ថិតនៅឯករាជ្យ ហើយផលិតបទចម្រៀងតាមការចង់បានរបស់ខ្លួនវិញ ដើម្បីកុំឲ្យមានសម្ពាធ។

អ្នកនាងឈួន សុវណ្ណឆៃ ប្រកាសថា នឹងអ្នកនាងបញ្ចេញស្នាដៃដឹកនាំ MV បទចម្រៀងរបស់ខ្លួនឲ្យបានច្រើន បន្ទាប់ពីសាច់រឿង ក្នុងបទ «ចាំរាល់រាត្រី» ដែលអ្នកនាងបញ្ចេញស្នាដៃដោយផ្ទាល់ ទទួលបានការចាប់អារម្មណ៍ភ្លាមៗ ក្រោយការបង្ហោះបានតែប៉ុន្មានម៉ោង។ ក្នុងនោះសូម្បីតែការតុបតែងខ្លួន និងស្ទីលរំលេចនៅក្នុង MV បទនេះ ក៏ជាគំនិតរបស់អ្នកនាងនោះដែរ ទើបបទចម្រៀងមួយនេះ គេឃើញអ្នកនាងស្រស់ស្អាតមិនធម្មតា ដែលកាន់តែធ្វើឲ្យបទចម្រៀងទាំងមូលទាក់ទាញ។ ខាងក្រោមនេះជាបទ «ចាំរាល់រាត្រី» ដែលអ្នកនាងគឺជាអ្នកច្រៀងផង និពន្ធសាច់រឿងផង និងដឹកនាំសម្ដែងដោយផ្ទាល់ផង៖