Post News Media ព័ត៌មានជាតិ រថយន្តឡង់គ្រី...

រថយន្តឡង់គ្រីស័រ ស្លាកលេខខេមរ:ភូមិន្ទ.02.2.5449 បុករះរថយន្តបីគ្រឿងរងការខូចខាតយ៉ាងដំណំ

ភ្នំពេញ: បុរសម្នាក់បើកស៊េរីទំនើប ក្នុងស្ថានភាពស្រវឹងជោគ បានរេចង្កូតបុករះរថយន្តបីគ្រឿង បណ្ដាលឲ្យរងការខូចខាត​យ៉ាងដំណំ ដែលហេតុការណ៍នេះ កើតឡើងនៅវេលាម៉ោង៩និង៣០នាទីយប់ថ្ងៃទី១ ខែកុម្ភ: ឆ្នាំ២០១៩ ស្ថិតនៅតាមបណ្ដោយផ្លូវ២៨៩ ត្រង់ចំណុចរង្វង់មូលទួលគោក ក្នុងសង្កាត់បឹងកក់២ ខណ្ឌទួលគោក។

តាមប្រភពពីកន្លែងកើតហេតុ បានឲ្យដឹងថា មុនពេលកើតហេតុ គេឃើញបុរសវ័យចំណាស់ម្នាក់ បើករថយន្តស៊េរីទំនើប ម៉ាកឡង់គ្រីស័រ ពណ៌ត្រីអ៊ី ពាក់ស្លាកលេខ ខេមរ:ភូមិន្ទ.02.2.5449 ធ្វើដំណើរពីជើងទៅត្បូង ក្នុងល្បឿនលឿនគួរសម ខណ:មកដល់ចំណុចកើតហេតុ បានទៅកៀររថយន្តលុចស៊ីសRX330 ពណ៌ស ពាក់ស្លាកលេខភ្នំពេញ.2 N5565 បណ្ដាលរងការខូចខាតមួយចំហៀងខាងឆ្វេង ហើយរថយន្តមិនទាន់អស់ល្បឿន ជ្រុលទៅបុករថយន្តប៊ីស៊ុយប៉ីស៊ីពេញទំហឹង ចំចង្កៀងខាងស្ដាំផ្នែកខាងមុខរងខូចខាយ៉ាងដំណំ រួចបន្តទៅបុករថយន្តកាមរីហាយប្រីតមួយគ្រឿងទៀតខូចខាតមួយកំណាត់មុខ តែសំណាងល្អមិនមានអ្នករបួស។

ក្រោយកើតហេតុសមត្ថកិច្ចមូលដ្ឋាន បានមកដល់កន្លែងកើតហេតុ បានឲ្យភាគីខាងរថយន្តបង្ក ដោះស្រាយជាមួយរថយន្តរងគ្រោះ ដោយដោះស្រាយមិនត្រូវគ្នា ទើបសមត្ថកិច្ចទាក់ទងជំនាញ មកវាស់វែងយករថយន្តទាំង៤គ្រឿង ទៅរក្សាទុកនៅការិយាល័យចរាចរណ៌ផ្លូវគោក ដើម្បីរងចាំដោះស្រាយតាមផ្លូវច្បាប់៕

Loading...