ភ្នំពេញៈទើបតែឈានជើងចូលប្រឡូកក្នុងវិស័យសិល្បៈ មិនទាន់បាន កន្លះឆ្នាំស្រួលបួលផង តារាសម្តែង និងចម្រៀង កញ្ញា ឈុន សុវណ្ណស្រីមុំ បានបង្ហាញខ្លួនក្នុងខ្សែភាពយន្ត «អាស៊ុយទ្រីស្មោះស្នេហ៍» និង ចមៀង Original Song របស់ផលិតកម្ម BKS ។

បទចម្រៀងដែលធ្វើឲ្យគេស្គាល់ ឈុន សុវណ្ណស្រីមុំ ក្នុងផលិតកម្ម BKS តាមរយៈបទ «មិនអាចទេ បែកពីគេមកស្រលាញ់បង» ហើយបទនេះដែរ ក៏យកទៅបញ្ចូលក្នុងចម្រៀង «អាស៊ុយទ្រីស្មោះស្នេហ៍» ដែលកំពុងចាក់បញ្ចាំងតាមរោងកុននានា នៅរាត្រីភ្នំពេញ។

បើតាម កញ្ញា ឈុន សុវណ្ណភក្តី បានប្រាប់ Post News ឲ្យដឹងថា «ខ្ញុំទើបតែប្រឡូកសិល្បៈ បានជាងកន្លះឆ្នាំ ប៉ុណ្ណោះ ដោយចេញបទ មិនអាចទេ បែកពីគេមកស្រលាញ់បង ដែលមានសន្ទុះខ្លាំង និងក្រៅពីនេះ ក៏បង្ហាញវត្តមានក្នុងភាពយន្ត អាស៊ុយទ្រីស្មោះស្នេហ៍» ។ ការស្ទុះឡើងក្នុងរយៈដ៏ខ្លីនេះ ដោយសារតែទស្សនិកជន បានគាំទ្រ បើគ្មានទស្សនិកជន គេក៏មិនស្គាល់ខ្ញុំដែរ ។ នេះគឺជាសម្តី សុវណ្ណស្រីមុំ បានបន្ថែម។
ឈុន សុវណ្ណភក្តី ក៏បានបញ្ជាក់ផងដែរថា នាងក៏កំពុងត្រៀមខ្លួនចេញបទចម្រៀងថ្មីៗទៀត Original Song របស់ផលិតកម្ម BKS ហើយក៏ត្រៀមខ្លួន ដើម្បីថតរឿងថ្មី របស់ផលិតកម្ម មួយនេះដែរ ៕

ស្តាប់បទមិនអាចទេបែកពីគេមកស្រលាញ់បង ដូចខាងក្រោមនេះ៖