ក្រោយព័ត៌មានក្នុងស្រុកមួយ ចុះបង្ហាញថា កញ្ញា ពេជ្រ សោភា ពន្យាពេលធ្វើដំណើរ មកកម្ពុជា ដោយសារតែមូលហេតុ ផ្សេងៗ ទាក់ទិននឹង មូលនិធិ ជួយដល់ជនរងគ្រោះដោយសារតែទឹកជំនន់ និងជាពិសេសនោះ ចង់នៅក្បែរបងស្រីរបស់ខ្លួន ដែលខានជួបមុខគ្នារាប់ឆ្នាំនោះ ។
យោងតាមទំព័រហ្វេសប៊ុក Pepey Dy នៅរាត្រីថ្ងៃទី ៧ ខែ មិថុនា ឆ្នាំ ២០១៣ នេះ នៅចន្លោះម៉ោង ១០ ទៅ ១១ ពេជ្រ សោភា បានចុះពីលើយន្តហោះដោយសុវត្ថិភាព ដោយមានអ្នកគាំទ្រ ជាច្រើនទន្ទឹងរងចាំ ផងដែរ។
ជាមួយនឹងដំណើរវិលត្រលប់មកកាន់មាតុប្រទេសវិញ ក្រោយបញ្ចប់ការប្រគុំតន្ត្រីនៅអាមេរិក គេសង្កេតឃើញថា នាងពិតជាទទួលបានជោគជ័យយ៉ាងត្រចះត្រចង់ ដោយទទួលបានការគាំទ្រពីសំណាក់បងប្អូនខ្មែររស់នៅលើទឹកដីអាមេរិក ដែលសបញ្ជាក់តាមវិដេអូឃ្លិបនានា គេបង្ហោះនៅលើ YouTube និងសកម្មភាពមួយចំនួនដែលស្តែងឲ្យឃើញតាមគេហទំព័រ ហ្វេសប៊ុករបស់នាង។
ពេជ្រ សោភា នឹងមិនទំនេរដៃទេ សម្រាប់ការវិលត្រលប់មកកាន់ប្រទេសជាតិវិញ ព្រោះថា នៅក្នុងខ្លួនរបស់នាង កំពុងតែមានបន្ទុកយ៉ាងធំ ដោយត្រូវយកថវិកា មួយចំនួន ដែលរ៉ៃអង្គាសបាន ទៅចែកជូនជនរងគ្រោះ ដោយសារតែទឹកជំនន់ ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់