មិនអន់ជាងបទចម្រៀងមុនៗ តារាចម្រៀង លោក វង្ស ថាណាន់ ក៍ទទួលបានការចាប់អារម្មណ៍មិនតិចដែរ ជាមួយបទថ្មីក្រោមចំណងជើងថា”តើបេះដូងអូន សាងពីអ្វី?”។ នេះបទនិពន្ធថ្មី និងបទស្នេហាប្រេះឆាលន្លង់លន្លោចមួយថ្មី ដែលលោកបង្ហើរឡើង បន្ទាប់ពីទំនាក់ទំនងស្នេហារវាងលោក និង តារាស្រីម្នាក់ ត្រូវគេកត់សម្គាល់រយាលឆ្ងាយ។

ក្រោយពីឡើងកូដក្នុងសិល្បៈ តារាចម្រៀង លោក វង្ស ថាណាន់ មិនត្រឹមតែហុឺហារឡូយឆាយប៉ុណ្ណោះទេ សូម្បីតែរូបសម្រស់ក៍ប្លែកផងដែរ។ អ្វីដែលកាន់តែទាក់ទាញទៅទៀត គឺលោកកំពុងវិវត្តន៍ខ្លួន ក្លាយជាតារាចម្រៀងពូកែក្បាច់រាំបានយ៉ាងរស់រវើក។ នៅក្នុងពេលនេះ លោកក៍យកចិត្តទុកដាក់ហាត់ប្រាណ និងថែទាំរូបសម្រស់ខុសពីពេលមុនៗផងដែរ ទើបធ្វើអោយអតីតក្មេងកំព្រារស់នៅក្នុងមណ្ឌលរូបនេះ ក្លាយជាទីចាប់អារម្មណ៍ទាំងសិល្បៈ និងជីវិតឯកជន។ លោកវង្ស ថាណាន់ បញ្ជាក់ថា ដោយសារតែការងារសិល្បៈ ទើបជួយអោយលោកអាចមានថ្ងៃនេះ អុីចឹងហើយទើបលោកលះបង់គ្រប់យ៉ាង ដើម្បីសិល្បៈ ដោយក្រៅពីចេញបទថ្មី ក៍យកចិត្តទុកដាក់នឹងការហាត់ប្រាណ និងហ្វឹកហាត់ក្បាច់រាំបានយ៉ាងល្អ។

លោកកាន់តែសប្បាយចិត្តនៅពេលបទថ្មី”បេះដូងអូន សាងពីអ្វី?”។ របស់លោកទទួលបានការចាប់អារម្មណ៍ តាំងពីបានចេញបង្ហោះ។ បទនេះក៍ជា Original Song ដែលលោក និងក្រុមការងារផលិតថ្មី មិនមានកូពីសាច់ភ្លេងណាមួយផងដែរ។ លោកកាន់តែសកម្ម នឹងឡើងឆាកប្រូម៉ូតបទនេះ ដោយសារតែការគាំទ្រ។

ចង់ដឹងថាបទថ្មីរបស់លោក ស្ដាប់ហើយប្លែកត្រចៀកប៉ុណ្ណា តោះរីករាយស្ដាប់កម្សាន្ត៖

https://youtu.be/t5p7Hmp3T64