ផ្ទះ ព័ត៌មានសិល្បៈ និងកម្សាន្ត លូយណាស់ ជាតិ ...

លូយណាស់ ជាតិ សុច្ចកា ឡើងគេហដ្ឋាថ្មីតម្លៃជិត១០ម៉ឺនដុល្លារ

0

កាលពីយប់ថ្ងៃទី១ ធ្នូ ឆ្នាំ២០១៩ អតីតបេក្ខភាព X-Factor Cambodia កញ្ញា ជាតិ សុច្ចកា បានធ្វើពិធីឡើងគេហដ្ឋានថ្មីនៅព្រែកឯង តម្លៃជិត១០ម៉ឺនដុល្លារ យ៉ាងអធឹកអធម។ នៅក្នុងពិធីនោះ ក៏មានវត្តមានតារាសិល្ប:ចូលរួមផងដែរ។

វ័យទើប២០ឆ្នាំប៉ុណ្ណោះ ប៉ុន្តែ ជាតិ សុច្ចកា អាចរកចំណូល បានស្ទើរតែប្រហាក់ ប្រហែល នឹងរៀមច្បងមួយចំនួន។ មិនតែប៉ុណ្ណោះស្រីស្រស់រូបនេះ ត្រូវបានគេកត់ សម្គាល់ថា កាន់តែលេចធ្លោក្នុងវិស័យសិល្ប:។ ពិសេសជាងនេះ ទៅទៀតមួយរយ: ចុងក្រោយនេះ សុច្ចកា ថែមទាំងមានយីអ៊ុនឡើងស្រឺតៗ ខណ:ទើបតែធ្វើពិធីឡើង គេហដ្ឋានថ្មីនៅឯខេត្តកំពុងចាម មិនទាន់បានប៉ុន្មានផង ស្រាប់តែនាង និងក្រុមគ្រួសារ បានប្រារព្ធពិធីឡើងគេហដ្ឋានថ្មីដ៏ធំស្កឹមស្កៃ យ៉ាងអធិកអធម កាលពីថ្ងៃទី ១ ដើមខែ ឆ្នូ នៅក្នុងទីក្រុងភ្នំពេញ ក្រោមវត្តមានភ្ញៀវកិត្តយសក្នុងរង្វង់ និង ក្រៅសិល្ប:ចំនួន៤០ តុផងដែរ។ កញ្ញាបានអះអាងថា ផ្ទះដែលនាងទើបតែទិញ មានទីតាំងនៅព្រែកឯង គឺជាញើសឈាមរបស់នាង៥០% ជាមួយនឹងគ្រួសារ មានតម្លៃខ្ទង់ជិត១០ម៉ឺនដុល្លារ ដោយនាងបានបង់រំលោះផ្ទាល់ជាមួយនឹងក្រុមហ៊ុនតែម្ដង។

បើរាប់បញ្ចូលបន្ថែមទាំង អាជីវកម្មរបស់គ្រួសារ ដែលមានឳពុកជាមេឃុំ ក្នុងស្រុកស្គន់ ខេត្តកំពង់ចាម និងម្ដាយមានផ្ទះជួលមួយកន្លែង សម្រាប់ជំរុញជីវភាព គ្រួសាររបស់ នាងផង គេនៅតែមើលឃើញថា តារាស្រីរូបនេះ ក៏មានសមត្ថភាពមិនធម្មតា។

គួររំឮកផងដែរថា បើទោះជានៅមិនទាន់មានទ្រនំក្នុងសិល្ប:ពិតប្រាកដយ៉ាងណាក្ដី ប៉ុន្តែជាតិ សុច្ចកា នៅតែទទួលបានការ ចាប់អារម្មណ៍ ពីសំណាក់ មហាជន។ ទន្ទឹមនឹងនេះ កញ្ញាតែងតែ លេចមុខក្នុងកម្មវិធីប្រគុំតន្ត្រីតាមប៉ុស្ត៍ទូរទស្សន៍ តូចធំផ្សេងៗ ហើយថ្មីៗនេះ នាងក៏បានលេចមុខនៅក្នុង ស្ប៉តពាណិជ្ជកម្ម និង សម្អាងការជាច្រើនផងដែរ៕

មតិយោបល់