ភ្នំពេញៈ នៅរាត្រីយប់មិញនេះ ផេកហ្វេសប៊ុកមួយ បានទម្លាយមុខ អតីតភរិយាកីឡាករ ជៀស ស្រួច ដែលបច្ចុប្បន្នគឺជាតារាសម្តែងបោះសំឡេងគួរសមក្នុងវិថីសិល្បៈ។
ផេកដែលមានឈ្មោះថា Khmer Best Video MH បានសរសេរសារដ៏វែងអន្លាយ និងភ្ជាប់មកជាមួយរូបភាព តារាសម្តែងម្នាក់ ។
កន្លងមក តារាសម្តែង រូបនោះ ត្រូវបានសារព័ត៌មានក្នុងស្រុកចុះក្តែងៗថា នាងបានដកខ្លួនចេញពីសិល្បៈ ផ្គាប់ចិត្តប្រុសស្នេហ៍ជាឧកញ៉ា ហើយមួយរយៈចុងក្រោយនេះ នាងបានបង្ហាញមុខឡើងវិញ ចូលរួមសារជាថ្មីលើវិថីសិល្បៈ ក៏ផ្ទុះរឿង បែបនេះ ក្រោយ ជៀស ស្រួច បង្ហាញមុខ។
ក្នុងបទសម្ភាសន៍ ដោយផ្ទាល់ជាមួយ Post News លោក ជៀស ស្រួច មិនបានលាក់លៀមអ្វីនោះទេ នៅពេលដែលក្រុមការងារបង្ហាញរូបមួយសន្លឹក ដែលជាអតីតប្រពន្ធរបស់គាត់ ។

Post News: តើរូបភាពដែលនៅក្នុងទូរស័ព្ទ ត្រូវជាប្រពន្ធរបស់លោកមែនទេ ?
ជៀស ស្រួចៈ បាទគឺនាងហើយ
Post News: តើនាងមានឈ្មោះអ្វីដែរ ?

ជៀស ស្រួច ៖ បាទ ខ្ញុំសូមលាក់ពីឈ្មោះ នាងនិងមិនចង់បញ្ចេញអ្វីទាំងអស់ ដើម្បី ក្តិសុខខ្លួន ហើយក៏ជូនពរឲ្យនាងបានក្តីសុខ ទៅចុះ ជ្រុលតែបែកគ្នាហើយ ។ ប៉ុន្តែសូមឲ្យនាង និយាយអ្វីដែល ជាការពិត កុំ មួលបង្កាច់បង្ខួច រូបខ្ញុំ ទៅបានហើយ។
អតីតអ្នកប្រដាល់ ជៀស ស្រួច ក៏បានលើកឡើងបន្ថែមទៀតថា ក្រោយពេលបែកគ្នា លោកក៏បានចុះតាមទស្សនាវដ្តី ២ទៅ ៣លេខ ដែរ នូវរឿងរ៉ាវ បែកបាក់ស្នេហារបស់លោក និងអតីតភរិយា ប៉ុន្តែពេលនោះ គេមិនសូវជាចាប់អារម្មណ៍ ដូចឥឡូវ ។

បើទោះបីជាយ៉ាងនេះក្តី តួឯកស្រីក្នុងរឿង “ផ្ការីកក្នុងចិត្ត” បានរៀបការជាមួយ ជៀស ស្រួច ក្នុងអំឡុងឆ្នាំ ២០០២ ឬ ២០០៣ ដោយចំណងស្នេហានេះ រួមរស់ជាមួយនឹងគ្នា តែ៦ខែ ក៏ចែកផ្លូវគ្នា៕