ភ្នំពេញៈ ធ្លាប់តែច្រៀងបទ មរតកដើម តែពេលនេះលោកឯក ស៊ីដេ បានកុងត្រា​ជាមួយនឹង​ផលិតកម្ម​ក្នុងស្រុកមួយ​ច្រៀងបទ Original Song ដើម្បីលើកកម្ពស់​វប្បធម៌​ និង​សិល្បៈខ្មែរ ។​

បើយោងតាម​ផេក​ហ្វេសប៊ុកផ្លូវការរបស់ផលិតកម្ម​ Seila Records បានសរសេរថា​ Welcome Ek Side ឯក ស៊ីដេ to Seila Records’ family! ប្រែជាខ្មែរថា ស្វាគមន៍ លោក ឯក​ ស៊ីដេ ក្លាយជា​សមាជិកគ្រួសារ​ផលិតកម្ម Seila Records ។​
ប្រភព​ពី​តារាចម្រៀងម្នាក់ក្នុងផលិតកម្ម Seila Records បានបញ្ជាក់ប្រាប់ Post News ឲ្យដឹងថា តារាចម្រៀង ឯក ស៊ីដេ បានចូលច្រៀង​ក្នុងផលិតកម្ម Seila Records និងកុងត្រា​រួចរាល់ហើយ ។​

ប្រភព ខាងលើបានបន្តថា សម្រាប់លោក ឯក ស៊ីដេ កុងត្រា​ច្រៀង​ ប៉ុន្មានឆ្នាំ លោក​មិនដឹង​នោះទេ ។​ ប៉ុន្តែ​បើតាម​ Post News ដឹង​កន្លងមកថា តារាចម្រៀងក្នុងផលិតកម្ម​នេះភាគច្រើន កុងត្រាពី ២ ទៅ​៣​ឆ្នាំតែប៉ុណ្ណោះ ដើម្បីរួមចំណែក ផលិត និងច្រៀងបទ Original Song ៕​