មនុស្សម្នាក់ៗមុនក្លាយជាបុគ្គលជោគជ័យ សុទ្ធតែបានហែលឆ្លងកាត់នូវឆាកជីវិត និង រឿងរ៉ាវតស៊ូរាប់មិនអស់។ ងាកមកមើលជីវិតតស៊ូរបស់តារាហ្វេសប៊ុកស្រស់សោភា ម៉ែរួយឯណេះវិញ ក៏មានរឿងកម្សត់មិនខុសគ្នាដែរ។
ម្ចាស់ក្រុមហ៊ុនគ្រឿងសម្អាងល្បីឈ្មោះរូបនេះ បានផ្លាស់ប្តូរជិវិតយ៉ាងឆាប់រហ័សរយៈពេលត្រឹមតែមួយឆ្នាំ ប៉ុណ្ណោះ ដោយអាចកសាងជីវិតថ្មីបានដោយមិនគួរឲ្យជឿ ។ មកទល់ពេលនេះម៉ែរួយមានក្រុមហ៊ុនមួយដ៏ល្បីល្បាញ មានលុយ ឡាន វីឡា ដ៏ស្គឹមស្កៃ មានកេរ្តិ៍ ឈ្មោះដ៏ល្បីល្បាញ មានអ្នកគាំទ្រនិង ហ្វេនស្រលាញ់មែរួយរាប់សែននាក់ ។ មែរួយមានឈ្មោះល្បីយ៉ាងខ្លាំងទៅលេីការបង្រៀនច្បាប់ស្រូបទាញ ពង្រឹង ផ្លូវ ចិត្ត មនុស្ស លុបបំបាត់ភាពបាក់ទឹកចិត្ត ជួយឲ្យមនុស្សរឹងមាំ ក្លាហានជំនះរាល់ ឧបសគ្គ ដែលកើតឡើងចំពោះមុខ ឲ្យឈានទៅរកគោលដ៏ធំបំផុតរបស់ខ្លួន ។ ម៉ែរួយ ជាមនុស្ស ដំបូងគេដែលជាអ្នកចែករំលែកច្បាប់ស្រូបទាញដំបូងគេនៅក្នុងប្រទេសកម្ពុជា អាចនិយាយបានថាជាគ្រូដើមនៃច្បាប់ស្រូបទាញ Law Of Attraction នៅកម្ពុជា។
ជីវិតរបស់ម៉ែរួយមុនពេលប្រើប្រាស់ច្បាប់ស្រូបទាញ គឺលំបាកវេទនាណាស់ ខ្លួនជាក្មេងស្រីតូចម្នាក់អាយុត្រឹម ១៧ឆ្នាំ បានបោះបង់ចោលការសិក្សារទៅស៊ីឈ្នួលគេនៅប្រទេសថៃ រយៈពេល ៥ឆ្នាំ យកលុយមកចិញ្ចឹមគ្រួសារ។ ម៉ែរួយកើតចេញពីត្រកូលអ្នកក្រីក្រនៅតាមខេត្ត កំព្រាឪពុក ថែមទាំងមានបងប្អូនច្រើន និងជំពាក់បំណុលគេរាប់ម៉ឺនដុល្លារ។ ជីវិតដើរដល់ផ្លូវទាល់ តែសំណាងល្អក្រោយម៉ែសម្រេចចិត្តរៀនច្បាប់ស្រូបទាញ លទ្ធផលជោគជ័យក៏កើតមានឡើង។ រយៈពេលត្រឹម ៦ខែម៉ែរួយមានលទ្ធភាពដោះបំណុល ១០០,០០០ដុល្លារ បានសាងក្រុមហ៊ុន ថែមទាំងមាន កេរ្តិ៍ឈ្មោះ ក្នុងសង្គមហើយក៏ក្លាយជាគ្រូច្បាប់ស្រូបទាញ។ មកទល់ពេលនេះ អ្នកគ្រូបានបង្រៀនច្បាប់ស្រូបទាញរយៈពេល ២ឆ្នាំ មានកូនសិស្ស រាប់ម៉ឺន នាក់ដែលបានផ្លាស់ប្តូរជីវិតដោយសារមេរៀនច្បាប់ស្រូបទាញរបស់ម៉ែរួយ។ ម៉ែរួយបានអះអាងថា ជីវិតរបស់គាត់មកដល់ចំណុចនេះដោយសារច្បាប់ស្រូបទាញ ហើយម៉ែរួយក៏បានបោះពុម្ពសៀវភៅ មួយក្បាលដែលហៅថា “ សៀវភៅ ១៤ថ្ងៃផ្លាស់ប្តូរជីវិតជារៀងរហូត ” ដែលជាមេរៀនដកស្រង់ពីជីវិតពិតក្នុងការប្រើប្រាស់ច្បាប់ស្រូបទាញបានជោគជ័យផងដែរ ដោយសៀវភៅទ្រឹស្តីនោះ ដើរតួយ៉ាងសំខាន់ក្នុងការផ្លាស់ប្ដូរមនុស្ស៕