ភ្នំពេញៈ ដេននី ក្វាន់ នៅរាត្រីថ្ងៃទី៦ ខែសីហា ឆ្នាំ២០១៦ បានកាត់ខ្សែបូរហាងពីរ និងសម្ពោធ MV ថ្មី ពីរបទ ជាមួយនឹងលោក សាន ផានិត ដែលទើបនឹងថតចប់នៅពេលថ្មីៗនេះ ក្រោមអធិបតីភាព លោក ថៃ នរៈសត្យា រដ្ឋលេខាធិការក្រសួងវប្បធម៌ និងវិចិត្រសិល្បៈ ។
ហាងពីរដែលកាត់ខ្សែបូរក្រោមវត្តមាន លោក ថៃ នរៈសត្យា មានហាង លក់គ្រឿងសង្ហារឹម និង ហាងសាឡន ដេននី ក្វាន់ ដែលនាំផលិតផលថែរក្សាពីប្រទេសថៃ ។
ការសម្ពោធហាងនេះ ដេននី ក្វាន់ បានប្រាប់ឲ្យដឹងថា បានចាយទុនរហូតដល់ ៤ម៉ឺនដុល្លារអាម៉េរិក និងកម្មវិធីនេះ ធ្វើឡើង១៥តុ ប៉ុន្តែស្ថានភាពជាក់ស្តែង លើសពី ១៥ តុ ដោយមានភ្ញៀវសម្រុកចូលលើសការគ្រោងទុក ។
ទន្ទឹមជាមួយនឹងគ្នានេះដែរ ដេននី ក្វាន់ ក៏បានយក MV ពីរបទ ដែលខ្លួនថត ជាមួយនឹងសាន ផានិត យកមកសម្ពោធផងដែរ ក្នុងនោះ មានបទ «ផ្កាយព្រះអង្គារ» និងបទ «គ្មានសិទ្ធ» ជាប្រភេទ Original Song ៕
មតិយោបល់