ភ្នំពេញៈ តារាសិចស៊ី អ្នកនាង​ឆយី កាលពីរាត្រីថ្ងៃទី​១៦ ខែសីហា ឆ្នាំ​២០១៦ បា​នប្រារព្ធខួបអាយុ ៣២ឆ្នាំ ក្នុងលក្ខណៈដ៏សាមញ្ញ តែ​អ្វីដែលគេចាប់អារម្មណ៍នំខួបរបស់នាង​ប្លែកពីគេ ដែលមិនខុសពីស្ថានភាពសិចស៊ីរបស់នា​ង​។​
តារាសិចស៊ី ឆយី បានថ្លែងប្រាប់ Post News នៅព្រឹកថ្ងៃទី​១៧ សីហា ឲ្យដឹងថា ពិធីខួបកំណើតរបស់នាង មិនបានធ្វើអ្វីជាដុំកំភួន អ្វីនោះឡើយ ជាលក្ខណៈគ្រួសារ និងមិត្តភក្តិ នៅគេហដ្ឋានតែប៉ុណ្ណោះ ។​

កន្លងមក ឆយី គេកម្រប្រទះនាង​ឃើញ​ ធ្វើខួបធំដំ ណាស់ ព្រោះតែនាង​មានគោលជំហរផ្សេង មិនចង់យកថវិកា ដែលខំរកទាំងនោះ ទៅបោះចោលនោះទេ សុខចិត្តជូនដល់ម្តាយប្រសើរ​ជាង​។​

ឆយី ថា «នំខួបដ៏ប្លែកនោះ គឺមិត្តភក្តិទិញ​ឲ្យ ព្រោះពួកគេយល់ថា វាសាកសមនឹងនាង ហើយតម្លៃវិញគឺ ជាង ៤០ ដុល្លារប៉ុណ្ណោះ ហើយមិនបានធ្វើធំដំនោះទេ ជា​លក្ខណៈគ្រួសារ​ធម្មតា​» ។​

ស្រីស្រស់ចាយរាង មានសាច់ទ្រូង​ទ្រលុកទ្រលន់ ខាងលើ បានបន្តថា ខួបកំណើតវាគ្រាន់តែជា​ការរំឭកថ្ងៃដែលយើងកើតនោះទេ យើងធ្វើធំដុំពេក វា​អត់ប្រយោជន៍ ចឹងទុកលុយ​ដែលធ្វើខួបនោះ ជូនម្តាយទៅវិញទៅ ឲ្យគាត់យកទៅធ្វើបុណ្យ ធ្វើទាន រួចអរគុណគាត់ដែលបានបង្កើតយើង វា​ជារឿងល្អបំផុត ចឹងហើយជាមូលហេតុដែលនាងមិនចង់ធ្វើខួបធំដុំនោះ ៕​

ខាងក្រោមនេះជា​ ទិដ្ឋភាពខួប របស់កូនឆយី កាលពីថ្ងៃទី​៤ កក្កដា ៖