Post News Media ព័ត៌មានសិល្បៈ និងកម្សាន្ត អែនណា បង្ហាញម...

អែនណា បង្ហាញមុខមកសួរសុខទុក្ខតារាសម្តែង សាវិន ហ្វីលីព ក្រោយផ្ទុះរឿងអាស្រូវ

ភ្នំពេញ: ក្រោយផ្ទុះរឿង​អាស្រូវ ស្នេហា តារាសម្តែង និងជាពិធីការិនី​ បានបង្ហាញមុខ ទៅសួរសុខទុក្ខ តារាសម្តែង សាវិន ហ្វីលីព ដល់គេហដ្ឋានក្បែរ​សាលា​វិចិត្រសិល្ប:​ នៅព្រឹកថ្ងៃទី២១ ខែសីហា ឆ្នាំ​២០១៦ ។

ថ្មីៗនេះ លោក សាវិន ហ្វីលីព មាន​បញ្ហាគាំង​បេះដូង ក្នុង​ក្លឹបហាត់ប្រាណ មួយកន្លែង ត្រូវបានបញ្ចូនទៅសង្គ្រោះបន្ទាន់នៅ មន្ទីរពេទ្យកាល់ម៉ែត ហើយបច្ចុប្បន្ន​បានវិលមកកាន់​លំនៅដ្ឋានវិញហើយ ដោយ​សុខភាព វិលមករកភាពប្រក្រតី វិញ ៨០ ភាគរយហើយ ។​
ទន្ទឹមជាមួយនឹងគ្នានេះដែរ ក៏មាន​តារាជាច្រើន បានបង្ហាញវត្តមាន មកសួរសុខទុក្ខ ក្នុងនោះ មាន​ លោក សោភ័ណ្ឌ ឡារី អ្នកនាង ស្វែង សុជាតា ឌី សូនីតា និង ហេង ដារី យ៉ែម ស្រីពេជ្រ ចាងហ្វាងផលិតកម្ម ខ្មែរមេគង្គ Mr Milan Lov លោក លោក ឆយ អ្នកផលិតកម្មវិធី ការណាត់ជួបដ៍អស្ចារ្យ របស់ PNN TV ហើយអ្វីដែលគេចាប់អារម្មណ៍ បំផុតគឺ សូ អែនណា ។​

លោក សាវិន ហ្វីលីព បានប្រាប់ Post News ឲ្យដឹងថា លោកពិតជា​អរគុណដល់ ប្អូនស្រី សូរ អែនណា ហើយលោកមិនខ្វល់រឿងផ្ទាល់ខ្លួន របស់ពួកគាត់ តែ​អ្វីដែលគួរ​ឲ្យសរសើរបំផុត ចំពោះ នាងគឺ នាង​ធ្លាប់បានបរិច្ចាគ ថវិកាផ្ទាល់ខ្លួន ទិញ​សំភារះសិក្សានិងធ្វើអណ្ដូងទឹកស្អាត ជួយដល់គ្រួសារកុមារក្រីក្រតាមសហគមន៍នានាតាមរយះមូលនិធិកុមារសាវិនកម្ពុជាកន្លងមក ។​

ពាក់ព័ន្ធនឹង​ព័ត៌មានរឿង​អាស្រូវ​ស្នេហានោះ កញ្ញា សូរ អែនណា បាន​បញ្ជាក់ថា នាង​សូមពេលមិនទាន់បកស្រាយនោះទេ ដោយ​នាងចង់សម្រាក មួយរយ:ពេលសិន ៕​

Enna So (1)

Enna So (2)

Enna So (3)

Enna So (4)

Enna So (5)

Enna So (6)

Loading...