កូរ៉េ៖ តារាសម្តែង​កូរ៉េ​ខាងត្បូង លោក Uhm Tae-woong កំពុងស្ថិតក្រោមការស៊ើបអង្កេត​របស់សមត្ថកិច្ច លើបញ្ហារំលោភបំពានលើផ្លូវភេទ ។​

គេហទំព័រ koreatimes ចុះផ្សាយនៅថ្ងៃទី​២៣ ខែសីហា ឆ្នាំ​២០១៦ នេះ​ឲ្យដឹងថា នៅថ្ងៃអង្គារ នេះ​ថា មានស្ត្រី​វ័យ ៣០​ឆ្នាំម្នាក់ ជា​អ្នក​ម៉ាស្សា បានដាក់ពាក្យប្តឹងទៅកាន់សមត្ថកិច្ចថា តារាសម្តែង Uhm Tae-woong ថា​បានរំលោភ​បំពានផ្លូវភេទ​ ក្នុងហាង​ម៉ាស្យាមួយកន្លែង នៅទីក្រុង Seongnam នៅសេអ៊ូល តាំងពីខែ មករា មកម្លេះ ។​

ស្ថានីយ៍ប៉ូលិស នៅ Bundang-gu បាននឹងកំពុងស៊ើបអង្កេតទៅលើ បណ្តឹង ពាក់ព័ន្ធ រំលោភ បំពានផ្លូវភេទ ហើយព័ត៌មានលម្អិត លើដំណឹងនេះ ខាងក្រុមប៉ូលិស ស៊ើបអង្កេត ខាងលើ មិនអាចបង្ហាញបានទេ ព្រោះអ្វីៗ ត្រូវធ្វើតាមនិតិវិធី។​
ពាក់ព័ន្ធករីណីនេះ តំណាង​តារា Actor Uhm Tae-woong មិនសូមធ្វើសេចក្តី អធិប្បាយណា មួយ លើចំណុចនេះឡើយ​។​

តារាសម្តែង Uhm Tae-woong កើតនៅឆ្នាំ​១៩៧៤ បានប្រឡូកក្នុងវិថីសិល្ប: ដំបូង នៅឆ្នាំ ១៩៩៨ ដោយទទួលបានកេរ្តិ៍ ឈ្មោះ ល្បីល្បាញ តាមរយ:ខ្សែភាពយន្ត Cyrano Agency (2010), Architecture 101 (2012) និង Man from the Equator (2012) ៕​