ស្របពេលដែលកម្មវិធី អាណាចក្រតារា ប្រារព្ធនៅពាក់កណ្តលខែ កុម្ភៈកន្លងទៅនេះ ដែលរៀបចំឡើងនៅមហាស្រប កោះពេជ្រ គេសង្កេតឃើញថា កំពូលតារាចម្រៀង ព្រាប សុវត្តិ មិនបានចូលរួមនោះទេ ដែលជាដើមចម ធ្វើឲ្យមហាជនគិតថា ព្រាប សុវត្តិ ទំនង ខ្លាចខ្មាសគេហើយ នៅពេលលទ្ធផលចេញ ហើយ បែរជាមិនបានទទួលពាន ។
ព្រាប សុវត្តិ ក្រោមទ្រនំ ដ៏ធំស្កឹមស្កៃ នៃផលិតកម្មហង្សមាស ដែលមានរយៈពេលមួយទស្សវត្យមកនេះ ដែលគ្មានតារាចម្រៀងណាមួយ ដែលដណ្តើមបានតំណែងឧស្សាហម្មចម្រៀងគាំទ្រពីមហាជនឡើយ ។ទោះបីជាមា តារាជាច្រើនបានខិតខំដណ្តើមនូវ តំណែងគាំទ្រពីមហាជនក៏ដោយតែវត្តមានកំពូលតារាចម្រៀង ព្រាប សុវត្តិ បើគិតជាលទ្ឋផល ដាក់ពិន្ទុវិញ ពិតជានៅលើកំពូលតារាងជាក់ជាមិនខាន ។ប៉ុន្តែអ្វីដែលប្លែកមួយទៀត សម្រាប់តារាចម្រៀង ព្រាប សុវត្តិ ដែលមិនសូវជាជៈឥទ្ធិពលរឿងអាស្រូវប៉ុន្មាន ក្នុងអាជីពជាអ្នកសិល្បៈ បែរជាបាត់វត្តមានក្នុងកម្មវិធីប្រគល់ពាន ក្នុងកម្មវិធី “អាណាចក្រតារា” ទៅវិញ ដែលជាមន្ទិលសារជាថ្មីដល់មហាជន ក៏ដូចជា ក្រុម Fanclub ដែលធ្វើការគាំទ្រដល់រូបលោក នៅតាមបណ្តាញ គេហទំព័រទំនាក់ទំនងសង្គមដ៏ពេញនិយមមួយនោះ គឺ Facebook ហេតុអ្វីកំពូលតារាចម្រៀង ព្រាប សុវត្តិ មិនចូលរួមក្នុងកម្មវិធីទទួលពាន”អាណាចក្រតារា” ឬក៏តារារូបនេះរវល់ ?
គួររំលឹកផងដែរថា កម្មវិធី “អាណាចក្រតារា” ដែលជាកម្មវីធីមួយដ៏កម្ររនឹងមាន អាចនិយាយបានថា ជាកម្មវិធីដំបូងបំផុត ដែលមានវត្តមាននៅក្នុងព្រះរាជាណាចក្រកម្ពុជា ។ទោះបីជាកម្មវីធីនេះមានពិតមែន តែជុំវិញនៃ ការរិះគន់ពីអ្នកសិល្បៈខ្លះ ដូចជា ពិធីការនីដ៏ល្បីឈ្មោះម្នាក់ នៅស្ថានីយ៍ទូរទស្សន៍ CTN សូមមិនបញ្ចេញឈ្មោះបានរ៉ាយរ៉ាប់ថា”ទោះបីជាកម្មវិធីនេះមានដំបូងមែននៅព្រះរាជាណាចក្រកម្ពុជា ប៉ុន្តែការដាក់ពិន្ទុ ដូចជាមិនសុក្រឹត នោះទេ អ្នកដែលគួរបានបែរជាមិនបាន និយាយមកដល់ត្រង់ចំណុចនេះ នាងខ្ញុំមិនច្រណែនទេ តែសូមធ្វើដោយការវិនិច្ច័យមួយឲ្យបានត្រឹមត្រូវផង សូមឲ្យឆ្នាំក្រោយៗ កម្មវិធីនេះ នឹងធ្វើឡើងឲ្យមានភាពយុត្តិធម៌ នឹងដើរដោយរលូន” ។
អ្វីដែលសំខាន់ ហើយជាចម្ងល់ សម្រាប់ប្រិយមិត្ត នោះគឺតារាចម្រៀង ព្រាប សុវត្តិ បាត់វត្តមានពីកម្មវិធី”អាណាចក្រតារា” អ្នកខ្លះ និយាយថា ប្រហែលជាគាត់ខ្លាចរអា ហើយមើលទៅ បានជាមិនមកចូលរួម ។ទោះជាយ៉ាងនេះក្តី ខាងក្រុមការងារ គេហទំព័រ ដំណឹង បានខិតខំទាក់ទងសូមការបញ្ជាក់ តែពេលខលចូល មិនមាននរណាម្នាក់លើកឡើយ ៕
អត្ថបទដោយៈ បុរសដំណឹង
មតិយោបល់