យោងតាមប្រភពព័ត៌មានពីគេហទំព័រBBC ដែលជាគេហទំព័រផ្សាយនូវព័ត៌មានកំសាន្តទាន់ហេតុការណ៍ និងព័ត៌មានសង្គមពិភពលោកនោះ បានរាយការណ៍ថា ខ្សែភាពយន្តចំណងជើង Skyfall សម្តែងដោយតារាភាពយន្តល្បីឈ្មោះរបស់អង់គ្លេស Daniel Craig ឬ James Bond (007) បានឡើងដល់ លំដាប់ថ្នាក់លេខមួយនៅក្នុងតារាងចំណាត់ថ្នាក់ខ្សែភាពយន្តល្បីៗរបស់ Hollywood ។
ខ្សែរភាពយន្ត Skyfall ដឹកនាំសម្តែងដោយ លោក Sam Mendes បានដាក់បញ្ចាំងនៅតាមរោងភាពយន្តរហូតដល់ទៅ ៥៨៧ នៅទូទាំងប្រទេសអង់គ្លេស និង អៀរឡង់ រកចំណូលបានរហូតដល់ទៅ ១០,៨ លានដុល្លា នៅក្នុងការចាក់បញ្ចាំង ៥ សប្តាហ៍ដំបូង គឺឡើងលំដាប់ថ្នាក់ទី ១ ខណៈពេលដែល ខ្សែរភាពយន្តលក្ខណៈគំនូរជីវចល The Guardians រកប្រាកចំណូលបាន ១០,៤លានដុល្លា ជាប់ចំណាត់ថ្នាក់ទី ២ នៅរយៈពេល ៣ សប្តាហ៍។ ចំណែកឯខ្សែរភាពយន្តបែបប្រលោមលោក Twilight Saga – Breaking Dawn: Part 2 ធ្លាក់ទៅចំណាត់ ថ្នាក់ទី ៣ នៅពេលដែលខ្សែរភាពយន្តនេះរកបានត្រឹមតែ ៩,២លានដុល្លា នៅរយៈពេល ៤ សប្តាហ៍ ។ ខ្សែរភាពយន្តទាំងបីខាងលើនេះ ត្រូវបានកំពុងពេញនិយយមបំផុត និងរកប្រាក់ ចំណួលបានរាប់រយលានដុល្លារ សំរាប់បម្រើអោយវិស័យខ្សែរភាពយន្តនៅអ៊ីរ៉ុប៕
<
ប្រែសម្រួលអត្ថបទដោយ៖ លោក ជួប រតនា
មតិយោបល់