តារាចម្រៀងដែលសម្ងំរស់នៅលើទឹកដីរបស់គេអស់ជាច្រើនខែ កញ្ញា សុគន្ធ និសា បានលេចព័ត៌មានថានាងវិលត្រលប់មកកាន់ប្រទេសកម្ពុជាវិញ នៅថ្ងៃនេះ។
ខណៈដែលរបស់នៅលើទឹកដីសហរដ្ឋអាមេរិក សុគន្ធ និសា ក៏រងព្យុះព័ត៌មានមិនតិចទេថា នាង សម្ងំសាងស្នេហាជាមួយនឹងមិត្តប្រុសដែលជាអ្នករស់នៅលើទឹកដីមួយនេះ និងអ្នកជំនួញធំម្នាក់នៅកម្ពុជាផងដែរ។
នៅពេលថ្មីៗនេះដែរនៅលើ Wallpost របស់តារាចម្រៀងដែលកំពុងទទួលបានការចាប់អារម្មណ៍ពីស្រទាប់យុវវ័យ លោក ករុណា ពេជ្រ បានសរសេរថា “ស្វាគមន៍ សុគន្ធ និសា មកដល់កម្ពុជានៅថ្ងៃនេះ”។ ជុំវិញនៃការបង្ហាញព័ត៌មាននេះដែរ អ្នកគាំទ្ររបស់តារាចម្រៀងមួយនេះមានការភ្ញាក់ផ្អើល និងទទួលបាននូវភាពរីករាយ ចំពោះដំណឹងមួយនេះ ដោយម្នាក់ៗកំពុងសាទរចំពោះដំណើររបស់នាង។
មួយរយៈមុននេះដែរ តារាចម្រៀងស្រី របស់ផលិតកម្ម ថោនរូបនេះ ក៏លេចឭព័ត៌មានថា នាងប្រហែលជាឈប់ពីសិល្បៈ និងហាងដែលនាងកំពុងដំណើរការនោះជាជំនួយរបស់កំណាញ់ចិត្តរបស់នាងដែលជាឈ្មួញរកស៊ីមានមុខមាត់នៅកម្ពូជា ។ចង់ដឹងថា រឿងនេះពិត ឬមិនពិតនោះ មានតែចេញពីមាត់នាងផ្ទាល់ទេ នៅពេលដែលនាងវិលមកកាន់កម្ពុជាវិញ នៅថ្ងៃនេះ៕
មតិយោបល់