តារាកំប្លែងដ៏ល្បីល្បាញរបស់បណ្តាញស្ថានីយ៍ទូរទស្សន៍ CTN លោក ពែកមី ដែលបណ្តាសារព័ត៌មានមួយចំនួនក្នុងស្រុកបានចុះផ្សាយឲ្យដឹងថា លោកកំពុងក្លាយទៅជា តារាចម្រៀង ប្រចាំផលិតកម្ម ថោន ។
ពែកមី ដែលមានសំនួនវោហារ ចាក់ទឹកមិនលេច ពេលនិយាយម្តងៗធ្វើឲ្យទស្សនិកជនទប់សំណើចមិនបាន ព្រោះតែសម្តី និងកាយវិការដ៏ក្រមិចក្រមើមរបស់លោក ។មួយរយៈចុងក្រោយមកនេះតារាកំប្លែងពែកមី ហាក់ដូចជាយីអ៊ុនឡើងក្រឺតៗតែម្តង ដោយទើបតែឡើងគេហដ្ឋានប៉ុន្មានល្វែងជាប់គ្នាជាមួយនឹង តារាកំប្លែងរួមក្រុម និងក្រោយៗមកទៀត ក៏មានវត្តមានថតរឿងជាមួយនឹងបណ្តាផលិតកម្មផ្សេងទៀត សឹងតែរកពេលសម្រាកគ្មាន។ អ្វីដែលប្លែកជាងនេះទៅទៀត អ្នកកំប្លែង ពែកមី និងត្រូវបានគេបន្តុកតំណែងមួយទៀតលើតំណែងចាស់គឺតារាចម្រៀងប្រចាំកម្ម ថោន។ ជាមួយនឹងគ្នានេះដែរលោក យឹម តាស្រង់ ដែលជាអ្នកនិពន្ធ ទំនុកច្រៀងដ៏ល្បីល្បាញប្រចាំផលិតកម្មមួយនេះ បានឲ្យដឹងផងដែរថា”ពិតណាស់ តារាកំប្លែងពែកមី ពិតជាចូលច្រៀង ក្នុងផលិតកម្ម ថោន ពិតមែន ដែលយើងបានសុំការអនុញ្ញាតិពីបណ្តាញស្ថានីយ៍ទូរទស្សន៍ CTN ផងដែរ។ ក្រៅពីតារាកំប្លែងដែលមានប្រជាប្រិយភាពនាពេលបច្ចុប្បន្ននេះ នៅមានប្អុនប្រុសរបស់លោក នាយគ្រឿន និង អ្នកនាងខ្ញុង ក៏ចូលច្រៀងផងដែរ។ កវីនិពន្ធទំនុកច្រៀងរូបនេះបានបន្តទៀតថា រាល់បទចម្រៀងរបស់អ្នកទាំងបី គឺលោកជាអ្នកសរសេរឲ្យ”។
នៅពេលថ្មីៗនេះដែរនៅលើ Wallpost របស់កវីនិពន្ធ យឹម តាស្រង់ ក៏បានបង្ហោះរូបលោកពែកមី ដែលស្ថិតនៅក្នុង ស្ទីតយ៉ូ កំពុងច្រៀង តែចំពោះបទចម្រៀងដែលតារាកំប្លែងនេះច្រៀងជាបទប្រភេទអ្វីយើងនៅមិនទាន់ដឹងនៅឡើយនោះទេ។
ជុំវិញនៃការចូលច្រៀងនេះដែរ មហាជនជាច្រើនបានគិតថា “ក្រៅពីបទរបៀបកំប្លែងៗ និងបទ ចម្រៀងដែលកៀក និងចូលឆ្នាំថ្មី តើតារារូបនេះច្រៀងបទសម័យម៉េចកើត?”។ជាមួយនឹងគ្នានេះដែរទស្សនិកជាច្រើនកំពុងរងចាំអ៊ុត និងស្តាប់ដឹកដមសំឡេង ដ៏ពិរោះរបស់តារាកំប្លែង ដែលបន្តុកលើតំណែងចាស់ ក្លាយជាតារាចម្រៀងប្រចាំផលិតកម្ម ថោន៕
មតិយោបល់