នៅថ្ងៃទី ២២ ខែ មិនា ឆ្នាំ ២០១៣ នេះដែរ ខាង ការិយាយល័យ Incheon Police Department បានឲ្យដឹងថា តារាសម្តែង Jang Geun Suk បានធ្វើដំណើរជាមួយនិងឡានស្ព័ររបស់ខ្លួន ដើម្បីទៅកាន់ Incheon Airport Highway កាលពីថ្ងៃទី ២១ នោះ តែចៃដន្យអាក្រក់ឡានរបស់ខ្លួនបានទៅបុកជាមួយនិង ឡានក្រុង នៅវេលាម៉ោង 6:20pm (KST)។ គ្រោះថ្នាក់នេះបានកើតឡើង នៅតំបន់ដែលហាមឃាត ល្បឿន ដោយអាចធ្វើដំណើរបានតែ 10.4km ។
តារាសម្តែងស្រស់សង្ហារ Jang Geun Suk បានពន្យល់ថា គ្រោះថ្នាក់នេះបានកើតឡើង ខណៈដែលគាត់បានព្យាយាមបើកគេចពីផ្លូវចង្អៀត ដែលធ្វើឲ្យកើតហេតុភេទខាងលើ តែសំណាងល្អដែលខ្លួន លោកមិនមានអ្វីធ្ងន់ធ្ងរ និងអ្នកដែលជិះ ឡានក្រុងនោះទៀតសោត ក៏មិនអីដែរ ។
បន្ទាប់ពីគ្រោះថ្នាក់នេះកើតឡើងតារាសម្តែងរូបនេះបានឆ្ពោះទៅកាន់ ព្រលានយន្តហោះ ដើម្បីហោះហើរទៅកាន់ប្រទេសថៃ ដើម្បីបង្ហាញ ខ្លួនក្នុងកម្មវិធី របស់ខ្លួននោះ។ចំណែកភ្នាកងាររបស់តារាសម្តែងរូបនេះបានឲ្យដឹងដែរថា គាត់និងទៅមន្ទីរពេទ្យ នៅប្រទេសថៃ ដើម្បីត្រួតពិនិត្យរាងកាយផងដែរ៕
មតិយោបល់